එසැණ පුවත්

මස් පළුව ඇතුළේ දුරකතන-මත්කුඩු පැකට්

කොළඹ මැගසින් බන්ධනාගාරයේ රඳවා සිටින සැකකරුවකු බැලීමට පැමිණි පුද්ගලයකු ගෙනා කෑම පාර්සලයක, කුකුළු මස් පලුවක තිබී ජංගම දුරකථන 2ක් සහ මත්කුඩු පැකට් 2ක් අද(26) සොයාගත් බව එම බන්ධනාගාර ආරංචි මාර්ග අනාවරණය කරයි.

26 November 2019

රාජ්‍ය අමාත්‍යවරු දිවුරුම්දීම හෙට

නව රජයේ රාජ්‍ය ඇමැතිවරුන් දිවුරුම් දීමේ නිල උත්සවය හෙට( 27) උදෑසන 9ට ජනාධිපති ලේකම් කාර්යාලයේදී ජනාධිපති ගෝඨාභය රාජපක්ෂ මහතාගේ ඉදිරියේදී සිදු කිරීමට නියමිතය.

26 November 2019

වෛද්‍ය අනුරුද්ධ පාදෙණියට එරෙහි නඩුව කල් යයි

මාළබේ සයිටම් ආයතනය සම්බන්ධයෙන් දෙන ලද නඩු තීන්දුව අපහාසාත්මකව විවේචනය කිරීමෙන් රජයේ වෛද්‍ය නිලධාරීන්ගේ සංගමයේ සභාපති වෛද්‍ය අනුරුද්ධ පාදෙණිය අධිකරණයට අපාහාසයක් සිදු කරන ලදැයි කියමින් ගොනු කළ පෙත්සම් විභාගය ලබන මාර්තු 24 වැනිදා තෙක් කල් දැමීමට අභියාචනාධිකරණය අද (26) තීන්දු කළේය.

26 November 2019

‘එජාප අරමුදල් ප්‍රශ්නයට හේතුව මැතිවරණ ප්‍රචාරණ නීති නැතිකමයි’

එක්සත් ජාතික පක්ෂයේ ජනාධිපතිවරණ ප්‍රචාරණ ව්‍යාපාරයේ මූල්‍ය කටයුතු සම්බන්ධයෙන් පක්ෂ නායකයන් අතර මතුව ඇති විවාදයෙන් ඔප්පුවන්නේ දේශපාලන ප්‍රචාරක වැය සම්බන්ධයෙන් කඩිනමින් නීති සම්පාදනය කළ යුතු බව යැයි මැතිවරණ ප්‍රචණ්ඩ ක්‍රියා නිරීක්ෂණ මධ්‍යස්ථානයේ ජාතික සම්බන්ධීකාරක මංජුල ගජනායක මහතා ‘ලංකාදීප’ යට පැවැසීය.

26 November 2019

පූජිත්-හේමසිරිට ඇප ඉල්ලා මහාධිකරණයට ඇප අයැදුම් දෙකක්

පාස්කු ඉරිදා බෝම්බ ප‍්‍රහාරය වළක්වා ගැනීමට හෝ එම ප‍්‍රහාරයේ බලපෑම අඩුකර ගැනීමට ක‍්‍රියා නොකිරීමේ සිද්ධිය සම්බන්ධයෙන් සැකපිට රික්ෂිත බන්ධනාගාරගත කර සිටින හිටපු ආරක්‍ෂක ලේකම් හේමසිරි ප‍්‍රනාන්දු සහ අනිවාර්ය නිවාඩු ගන්වා සිටින පොලිස්පති පුජිත් ජයසුන්දර යන මහත්වරුට ඇප නියම කරන්නැයි ඉල්ලමින් කොළඹ මහාධිකරණයට වෙන වෙනම ඇප ඇයැදුම් දෙකක් ඉදිරිපත් කර ඇත.

26 November 2019

ලබන පාසල් වාරයේදී සියලු සිසුන්ට නිල ඇඳුම්

ලබන පාසල්වාරය අවසානයේදී සියලු පාසල් සිසුන්ට නිල ඇඳුම් ලබාදෙන බව අධ්‍යාපන අමාත්‍ය ඩලස් අලහප්පෙරුම මහතා පැවසීය.

26 November 2019

ඇඹිලිපිටිය සහකාර පොලිස් අධිකාරී ධර්මරත්නට වරෙන්තු

ඇඹිලිපිටිය සහකාර පොලිස් අධිකාරීව සිටි ඩී.ඩබ්.ධර්මරත්න මහතා අධිකරණයට නොපැමිණීම හේතුවෙන් ඔහුට එරෙහිව ඇඹිලිපිටිය අතිරේක මහේස්ත‍්‍රාත් ආර්.වී.එන්.කේ. රන්කොත්ගේ මහත්මිය අද (26) වරෙන්තු නිකුත් කළාය.

26 November 2019

කල් ඉකුත් වෙන්න ළඟ ඖෂධ තුනක් ලංකාවේ

ජීව කාලය අඩු ඖෂධ වර්ග තුනක් ඉකුත් වසරේ මෙරටට ගෙන්වා ඇතැයි ආනයන අපනයන පාලක ජනරාල් දෙපාර්තමේන්තුවේ සිදුකරන ලද 2018 වසරේ විගණන වාර්තාවේ සඳහන් වේ.

26 November 2019

මධ්‍යම පළාත් සිසු නිපුණතා ප්‍රශ්න පත්‍රයේ දොස් ඇතැයි ගුරුවරු කියති

මධ්‍යම පළාත් අධ්‍යාපන දෙපාර්තමේන්තුව මගින් පළාතේ සිසු නිපුණතා සාධන බැලීමේ පරීක්ෂණ විභාගය සඳහා 5 ශ්‍රේණිය සිසුන් සඳහා එවා තිබූ ප්‍රශ්න පත්‍රය දැඩි දෝෂ සහිත ගුරුවරු චෝදනා නගති.

26 November 2019

මුසම්මිල්-ජයන්තගේ රට ගමන් තහනම ඉවතට

ජාතික නිදහස් පෙරමුණේ මාධ්‍ය ප්‍රකාශක මොහොමඩ් මුසම්මිල් සහ පාර්ලිමේන්තු මන්ත්‍රී ජයන්ත සමරවීර යන මහත්වරුන් වෙත අධිකරණයෙන් පනවා තිබූ විදෙස් ගමන් තහනම් කිරිමේ නියෝගය ඉවත් කිරිමට කොළඹ කොටුව මහේස්ත්‍රාත් රංග දිසානායක මහතා අද (26) නියෝග කළේය.

26 November 2019

රේගුවේ හිටපු ලොක්කන් දෙදෙනාගේ රට ගමන් තහනම අවලංගු කරයි

ශ්‍රී ලංකා රේගුවේ හිටපු අධ්‍යක්ෂ ජනරාල් ජගත් පී.විජේවීර මහතා සහ එහි හිටපු සහකාර අතිරේක රේගු අධ්‍යක්ෂක තාරක සෙනවිරත්න යන මහත්වරුන් වෙත අධිකරණයෙන් පනවා තිබූ විදෙස් ගමන් තහනම ලබන මාර්තු 31 වැනිදා තෙක් බල පැවැත්වෙන පරිදි අවලංගු කිරිමට කොළඹ කොටුව මහේස්ත්‍රාත් රංග දිසානායක මහතා අද (26) නියෝග කළේය.

26 November 2019

මහමෝදරින් ඒඩ්ස් රෝගීන් 8 ක්

ගාල්ල මහමෝදර ලිංග්‍රාශ්‍රිත රෝග සායනයෙන් මේ වසර තුළ ඒඩ්ස් රෝගය වැළඳී ඇති රෝගීන් 8 දෙනෙකු සොයාගත් බව ලිංගාශ්‍රිත රෝග පිළිබඳ මහමෝදර ශික්ෂණ රෝහල් සායනයේ විශේෂඥ වෛද්‍ය දර්ශණී විජේවික්‍රම මහත්මිය ප්‍රකාශ කළාය.

26 November 2019

කරූ දිගටම කතානායක තනතුරේ

කරූ ජයසූරිය මහතා ඉදිරියටත් කතානායක ධුරයේම තබා ගැනීමට රජය තීරණය කර ඇතැයි ඉහළ පෙළේ දේශපාලන ආරංචිමාර්ග සඳහන් කරයි.

26 November 2019

’දිගටම නායකත්වයේ ඉන්න අදහසක් රනිල්ට නැතිලු’

දිගින් දිගටම පක්ෂ නායකත්වයේ කටයුතු කරන්නට තමන්ගේ බලාපොරොත්තුවක් නැතැයි එක්සත් ජාතික පක්‍ෂ නායක රනිල් වික්‍රමසිංහ මහතා පක්ෂයේ ජ්‍යෙෂ්ඨ නායකයන්ට දැනුම් දී තිබේ.

26 November 2019

පාර්ලිමේන්තු වාරය අවසන් කිරීමේ සූදානමක්

ජනාධිපතිවරයාගේ ඉන්දීය සංචාරය ලබන 29 වැනිදාට යෙදී තිබෙන හෙයින් ඊට කලින් පාර්ලිමේන්තු වාරය අවසන් කිරීමේ සූදානමක් ඇති බව වාර්තා වේ. එබැවින් ජනාධිපතිවරයා විසින් ඉතා ඉක්මනින්ම පාර්ලිමේන්තුවාරය අවසන් කරනු ඇතැයි දැනගන්නට ඇත.

26 November 2019

පස්සර නායයාමක් : 28 ක් ඉවතට

පස්සර නිකේබැද්ද ආගරතැන්න ඉහළ කොටසේ පිහිටි කෑරගල කන්ද ආශ්‍රිතව පස් කන්දක් සමඟ ගලක් පෙරලී නිවසකට බරපතල හානි සිදුව ඇතැයි බදුල්ල ආපදා කළමනාකරණ ඒකකය පවසයි.

26 November 2019

බෙරගල - වැල්ලවාය මාර්ගයේ ගමනාගමනයට බාධා

බෙරගල - වැල්ලවාය මාර්ගයේ ලේමස්තොට 193 කණුව අසළ දී, අද (26) මාර්ගයට දැවැන්ත ගසක් කඩා වැටීමෙන් ගමනාගමනයට බාධා එල්ල වී ඇති බව ආපදා කළමනාකරන කළමනාකරණ මධ්‍යස්ථානය කියයි.

26 November 2019

හම්බන්තොට වරාය චීනයට බදු දීම ගැන ජනපති අප්‍රසාදය

හම්බන්තොට වරාය 99 අවුරුද්දකට චීනයට බදු දීම පසුගිය ආණ්ඩුව කළ වරදක් යැයි ගෝඨාභය රාජපක්ෂ මහතා පවසා ඇත

25 November 2019

ජර්මනියේ කෞතුකාගාරයකින් දියමන්ති කට්ටල 3 ක් සොරාගෙන

ජර්මනියේ නැගෙනහිර ඩ්‍රෙස්ඩන් ග්‍රීන් වෝල්ට් කෞතුකාගාරයෙන් ඉහළ වටිනාකමකින් යුත් දියමන්ති ස්වර්ණාභරණ කට්ටල තුනක් සොරකම් කර ඇතැයි වාර්තා වේ.

25 November 2019

ජාත්‍යන්තර ජල පීඩන රොකට් තරඟයේ පළමු තැන ලංකාවට

ආසියා ශාන්තිකර කලාපීය අභ්‍යවකාශ සංසදය විසින් සංවිධානය කළ ජාත්‍යන්තර ජල පීඩන රොකට් තරඟයෙන් ප්‍රථම ස්ථානය දිනා ගැනීමට මහනුවර ශ්‍රී චන්දානන්ද බෞද්ධ විද්‍යාලයේ යූ. ජී. දිදුල ආදිත්‍ය ශිෂ්‍යයා සමත්වී ඇත.

25 November 2019

‘මානව හිමිකම් කවුන්සිලයේ සම්මත වූ යෝජනාව නැවත විමසා බලනවා’

ඇමෙරිකා එක්සත් ජනපදයේ සහ ශ්‍රී ලංකාවේ සම දායකත්වය ඇතිව එක්සත් ජාතීන්ගේ මානව හිමිකම් කවුන්සිලයේදී සම්මත වූ යෝජනාව නැවත විමසා බලන බව විදේශ කටයුතු, නිපුණතා සංවර්ධන, රැකී රක්ෂා හා කම්කරු සබඳතා අමාත්‍ය දිනේෂ් ගුණවර්ධන මහතා අද (25) පැවැසීය.

25 November 2019

බොරැල්ල - කොටුව වාහන තදබදයක්

බොරැල්ල සිට කොළඹ කොටුව දෙසට මාර්ගයන්හි දැඩි වාහන තදබදයක් පවතී.

25 November 2019

විල්පත්තුවේ නව මායිම් ගැසට් කරන්න යයි

විල්පත්තු ජාතික වනෝද්‍යානයට අයත් ප‍්‍රදේශයේ අවතැන්වූ පදිංචිකරුවන් පදිංචිව සිටින ප‍්‍රදේශ අතහැර නව ගැසට් පත‍්‍රයක් මගින් විල්පත්තු ජාතික වනෝද්‍යානයට අයත් නව මායිම් ප‍්‍රකාශයට පත් කරන බව නීතිපතිවරයා මෝසමක් මගින් අභියාචනාධිකරණයට අද (25) දැනුම් දුන්නේය.

25 November 2019

පොලිස් පරීක්ෂක නිශාන්ත ද සිල්වා ගැන වාර්තාවක් ඉල්ලයි

අපරාධ පරීක්ෂණ දෙපාර්මේන්තුවේ සමුහ මංකොල්ල විමර්ශන අංශයේ ස්ථානාධිපතිව සිටි පොලිස් පරීක්ෂක ඒඩ්‍රියන් නිශාන්ත ද සිල්වා මහතා කිසිදු අනුමැතියකින් තොරව බිරිද හා දරුවන් සමඟ ස්විට්සර්ලන්තයට පලා යාම සම්බන්ධයෙන් පොලිස් මුලස්ථානය අපරාධ පරීක්ෂණ දෙපාර්තමේන්තුවේ අධ්‍යක්ෂවරයාගෙන් වාර්තාවක් කැඳවා ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි රුවන් ගුණසේකර මහතා අද (25) පැවසීය.

25 November 2019

මහවිරු සැමරුම් 50කට අධික සංඛ්‍යාවක් උතුරේදී සැමරීමට සූදානම්

එල්.ටී.ටී.ඊ සංවිධානයේ නායක වේළුපිල්ලේ ප්‍රභාකරන් ඇතුළු යුද්ධයෙන් මියගිය කොටි සාමාජිකයින් සිහිකරමින් මහවිරු සැමරුම් 50කට අධික සංඛ්‍යාවක් මෙවරද උතුරේ සංවිධානය වී තිබෙන බව උතුරේ ආරක්ෂක අංශ අවධාරණය කරයි.

25 November 2019

පැෆරල් නව නීති හදයි

ජනාධිපතිවරණවල දී අපේක්ෂක සංඛ්‍යාව වැඩිවීම වැළැක්වීම සඳහා නීති ගෙන ඒමට යෝජනා සහිත කෙටුම්පතක් සකසා රජයට ඉදිරිපත් කිරීමට කටයුතු කරන බව පැෆරල් සංවිධානය කියයි.

25 November 2019

සරත් විජේසූරියට එරෙහි නඩුවට දෙසැ. 30 පෙර විරෝධතා ගොනු කරන්නැයි නියෝග

අධිකරණයට අපහාස කරන ලදැයි සමාජ සාධාරණත්වය සඳහා වූ ජාතික ව්‍යාපාරයේ කැඳවුම්කරු හා කොළඹ විශ්ව විද්‍යාලයේ සිංහල භාෂාව පිළිබඳ මහාචාර්ය සරත් විජේසූරිය මහතාට එරෙහිව ගොනු කර ඇති පැමිණිල්ල සම්බන්ධයෙන් ලබන දෙසැම්බර් 30 වැනි දින හෝ ඊට පෙර විරෝධතා ගොනු කරන්නැයි ඒ මහතාට අභියාචනාධිකරණය අද (25) නියෝග කළේය.

25 November 2019

එස්. බී ගේ ආරක්ෂක නිලධාරියකුට ඇප

ගිනිගත්හේන, පොල්පිටිය ප්‍රදේශයේදි තරුණයන් දෙදෙනෙකුට වෙඩි තබා තුවාල කළේ යැයි කියන සිද්ධියක් සම්බන්ධයෙන් රක්ෂිත බන්ධනාගාර ගතකර සිටි, පාර්ලිමේන්තු මන්ත්‍රී එස්.බී. දිසානායක මහතාගේ ආරක්ෂක නිලධාරීන් දෙදෙනාගෙන් එක් අයෙකු රුපියල් ලක්ෂ 10 ක ශරීර ඇප මත මුදාහැරීමට හැටන් දිසා විනිසුරු සහ මහේස්ත්‍රාත් ජෙ.ට්‍රොස්කි මහතා අද (25) නියෝග කළේය.

25 November 2019