එසැණ පුවත්

අද දිනයේදී ආසාදිතයන් 555 ක්

මිනුවන්ගොඩ, පෑලියගොඩ සහ බන්ධනාගාර කොරෝනා පොකුරුවලට අද (1) පස්වරු 8.25 වනවිට එක්වූ ආසාදිතයන් 235 දෙනාත් සමග දිනයේ සමස්ත ආසාදිතයන් සංඛ්‍යාව 555 ක් බව රජයේ ප්‍රවෘත්ති දෙපාර්තමේන්තුව නිවේදනය කරයි.

01 January 2021

අදත් කොරෝනා මරණ 4 ක්

කොරෝනා වයිරසය ආසාදනය වීමෙන් තවත් සිව්දෙනෙකු මිය ගොස් ඇතැයි රජයේ ප්‍රවෘත්ති දෙපාර්තමේන්තුව අද (01) 7.30ට නිකුත් කළ නිවේදනයේ දැක්වේ.

01 January 2021

ආසාදිත මුස්ලිම් ජාතිකයන්ගේ මළසිරුරු ආදාහනයට අකුරණදීත් විරෝධයක්

කොවිඩ් -19 වයිරය ආසාදිත වී මිය යන මුස්ලිම් ජාතිකයින්ගේ මෘත දේහ ආදාහනය කිරීමට විරෝධය දක්වමින් අකුරණ ප්‍රදේශයේ සමාජ සේවා සහ තරුණ සංවිධාන පහක් එක්ව අද (01) සවස අකුරණ නගරයේදී නිහඬ විරෝධතාවයක් පැවැත්වූහ.

01 January 2021

ඩොලරයේ ගණන් බහී

ඇමෙරිකානු ඩොලරයට සාපේක්ෂව ඉකුත් සතියේදී 194 සීමාව ඉක්මවා ගිය රුපියල මේ වනවිට යම් ස්ථාවර මට්ටමකට පැමිණ ඇත.

01 January 2021

’සේනා’ ගැන පරීක්ෂණ කරන්න රුවන්ඩාවෙන් විද්‍යාඥයෝ එති

ශ්‍රී ලංකාවේ බඩඉරිඟු ඇතුළු අනෙකුත් වගාවන් අතරේ සීඝ්‍රයෙන් පැතිර යන සේනා දළඹුවන් පිළිබඳව පරීක්ෂණ පවත්වා අවශ්‍ය නිර්දේශ ලබා දීමට රුවන්ඩාවෙන් විද්‍යාඥයන් 06 දෙනෙකුගෙන් සමන්විත පිරිසක් පැමිණි බවත්, ඔවුන්ට තම සෞඛ්‍ය කාර්යය මණ්ඩලයක් විසින් කටුනායක ගුවන් තොටුපළේ දී රැපීඩ් ඇන්ටිජන් පරීක්ෂණ පැවැත්වූ බවත් ගම්පහ දිස්ත්‍රික් සෞඛ්‍ය සේවා අධ්‍යක්ෂ වෛද්‍ය මිගාර ඈපා මහතා ප්‍රකාශ කළේය.

01 January 2021

නව වසර සමරන්න ගිහින් 111ක් රෝහලේ

නව වසර උදාවීමත් සමග ඊයේ (31) දින රාති‍්‍රයේ සිට අද(1) පෙරවරුව දක්වා විවිධ අනතුරු හේතුවෙන් තුවාල ලැබු පුද්ගලයන් 111 දෙනෙකු කොළඹ ජාතික රෝහලේ හදිසි අනතුරු අංශයට ඇතුළත් කර ඇති බව රෝහල් ආරංචි මාර්ග පවසයි.

01 January 2021

කොවිඩ් පාලනයට දිස්ත්‍රික් මට්ටමින් හමුදා නිලධාරීන් 25 ක්

කොවිඩ්-19 වෛරසයේ පාලන කටයුතු ශක්තිමත්   කිරීම සදහා දිවයින පුරා සියලුම පරිපාලන දිස්ත්‍රික් ආවරණය වන පරිදි යුද හමුදාවේ ජ්‍යෙෂ්ඨ නිලධාරීන් 25 දෙනෙකු පත්කර ඇති බව හමුදාව පවසයි.

01 January 2021

යුද හමුදාවේ 565 ක් උසස්වීම් 

2021 වසර උදාවත්ම ජනාධිපති ගෝඨාභය රාජපක්ෂ මහතා විසින්  යුද හමුදාවේ  ජ්‍යෙෂ්ඨ    නිලධාරීන් ඇතුලු  565  දෙනෙක්ට    උසස් වීම් ලබා දී ඇති බව  යුද හමුදා මුලස්ථානය පවසයි.

01 January 2021

මැනිං වෙළෙඳපොලේ කඩ බෙදාගැනීමට ආරවුල් 60 ක්

පිටකොටුවේ තිබූ මැනිං වෙළෙඳපොල පෑලියගොඩට ගෙන ඒමෙන් පසු අලුතෙන් කඩකාමර බාරදීම සම්බන්ධයෙන් ආරවුල් 60 ක් පමණ ඇතිවී තිබේ. මෙම ආරවුල් විසඳීමට කමිටුවක් පත්කර ඇතැයි නාගරික සංවර්ධන, වෙරළ සංරක්ෂණ, අපද්‍රව්‍ය බැහැර කිරීමේ හා ප්‍රජා පවිත්‍රතා කටයුතු රාජ්‍ය ඇමති නාලක ගොඩහේවා මහතා පැවසීය.

01 January 2021

ශ්‍රී ලංකාව ගැන අලුත් තීරණයක් ඕනෑ

එළැඹෙන මාර්තු මාසයේදි එක්සත් ජාතීන්ගේ මානව හිමිකම් කවුන්සලය ශ්‍රී ලංකාව සම්බන්ධයෙන් ගන්නා තීරණය අලුත් තීරණයක් විය යුතු බව දෙමළ ජාතික සන්ධාන මාධ්‍ය ප්‍රකාශක එම්. ඒ සුමන්තිරන් මහතා සඳහන් කරයි.

01 January 2021

ෆයිසර් එන්නතට ලෝක සෞඛ්‍ය සංවිධානයේ අනුමැතිය

සංවර්ධනය වෙමින් පවතින රටවල හදිසි භාවිතය සඳහා ෆයිසර් සහ බයෝන්ටෙක් සමාගම්වල කොරෝනා  එන්නත ලෝක සෞඛ්‍ය සංවිධානය විසින් අනුමත කර තිබේ.

01 January 2021

කාත්තන්කුඩි පොලිස් වසමේ ග්‍රාම සේවා වසම් 11 හුදකලා කරයි

කාත්තන්කුඩි පොලිස් වසමේ ග්‍රාම සේවා වසම් 11 ක් හුදකලා කිරිමට පියවර ගත් බව කොවිඩ් -19 වැළැක්වීමේ ජාතික ක්‍රියාන්විත මධ්‍යස්ථානය නිවේදනයක් නිකුත් කරමින් සඳහන් කළේය.

01 January 2021

මත් කුඩු ප්‍රවාහනයෙන් නව වසර අරඹයි

මත් කුඩු කිලෝ එකහමාරක් යතුරු පැදියකින් ප්‍රවාහනය කරමින් සිටි අයෙකු අද (1) අලුයම් කාලයේදි අම්බලන්ගොඩ තිලකපුර ප්‍රදේශයේදී සැකපිට ප්‍රශ්න කිරීම සදහා අත් අඩංගුවට ගත් බව  ඇල්පිටිය කොට්ඨාස විශේෂ  විමර්ෂණ ඒකකය කියයි.

01 January 2021

පාර්ලිමේන්තුවේ වැඩ ඇරඹෙයි

නව වසර සඳහා රාජකාරී ආරම්භ කරමින් ශ්‍රී ලංකා පාර්ලිමේන්තුව අද(1) පෙරවරුවේ රාජකාරී ආරම්භ කළේය. ඒ කථානායක මහින්ද යාපා අබේවර්ධන මහතාගේ ප්‍රධානත්වයෙනි.

01 January 2021

රටට සෙත්පතා සෙත්පිරිත් සඤ්ඡායනාවක් තංගල්ලේදී

2021 නව වසර ආරම්භයත් සමඟ රටට සහ ජනතාවට සෙත්පතා තංගල්ල කාර්ල්ටන් නිවෙසේදී අද(1) පෙරවරුවේදී අගමැති මහින්ද රාජපක්ෂ මහතාගේ මූලිකත්වයෙන් සෙත් පිරිත් සඤ්ඡායනාවක් පැවැත්විණි.

01 January 2021

රඹුක්කන තැඹිලිකුඹුරට සංචරණ සීමා

රඹුක්කන සෞඛ්‍ය වෛද්‍ය නිලධාරි කාර්යාල බල සීමාවට අයත් කොත්තනවත්ත ග්‍රාම නිලධාරි වසමට අයත් තැබිලිකුඹුර වත්ත ග්‍රාමයට සංචරණ සීමා පැනවිමට කටයුතු කල බව පින්නවල මහජන සෞඛ්‍ය පරික්ෂක උදය කුමාර මහතා පවසයි.

01 January 2021

තවත් ආසාදිතයෝ 171 දෙනකු හඳුනා ගනිති

කොරෝනා ආසාදිත වු පුද්ගලයින් 171 දෙනකු අද (31) පස්වරු 7.40 වන විට හඳුනාගෙන තිබේ.

31 December 2020

කොරෝනා මරණ 200 පනී

ශ්‍රී ලංකාවේ කොරෝනා වයිරසය ආසාදනය වීමෙන් තවත් පුද්ගලයන් 5 දෙනෙකු මිය ගොස් ඇතැයි රජයේ ප්‍රවෘත්ති දෙපාර්තමේන්තුව අද (31) නිවේදනයක් නිකුත් කරමින් පැවසීය.

31 December 2020

මුන්නේශ්වරම් කෝවිලෙන් කාලි මාතා පිළිමය සොරාගෙන

හලාවත මුන්නේශ්වරමේ පිහිටි කාලි මාතා කෝවිලේ තිබු කාලි මාතා පිළිමයක් කිසිවකු සොරා ගෙන ගොස් ඇතැයි හලාවත පොලිසිය කියයි.

31 December 2020

ගල්ලෑල්ලේ රැඳවියන් ගිය බස් රථයේ මගීන් නිරෝධායනය වන්න

පොළොන්නරුව ගල්ලෑල්ල නිරෝධායන මධ්‍යස්ථානයෙන් පලාගොස් සිටි රැඳවියන් අලුයම 5.45 ට පමණ ගමන්ගත් පොළොන්නරුවෙන් ධාවනය වු අංක NB 9268 දරණ බස් රථයේ ගමනගත් මගීන්ට ස්වයං නිරෝධායනය වන ලෙසට පොලිසිය ඉල්ලා සිටියි.

31 December 2020

අධිවේගී මගේ ගැලනිගම පොලිස් මුරපොළේ 6 කට කොරෝනා

අධිවේගී මාර්ග ප්‍රධාන පාලක ස්ථානයේ ගැලනිගම පොලිසියේ නිලධාරීන් 6 දෙනෙකුට කොරෝනා වයිරසය ආසාදනය වී ඇතැයි දක්ෂිණ අධිවේගී මාර්ග රථවාහන පොලිසිය කියයි.

31 December 2020

ඛණිජ තෙල් සංස්ථාවේ ප්‍රධාන කාර්යාලය වසාදමයි

ලංකා ඛණිජ තෙල් සංස්ථාවේ දෙමටගොඩ පිහිටි ප්‍රධාන කාර්යාලය හා මුතුරාජවෙල ලහිසි තෙල් අංගණය වසා දමා ඇත.

31 December 2020

මාතලේ දිස්ත්‍රික් මහ රෝහලේ 12 වාට්ටුව වසාදමයි

මාතලේ දිස්ත්‍රික් මහ රෝහලේ 12 වාට්ටුව අද(31) සිට තාවකාලිකව වසා දමා එම වාට්ටුවේ රෝගීන් වෙනත් වාට්ටුවකට යොමු කර එම වාට්ටුව විෂබීජ හරණය කිරීමට පියවර ගෙන ඇතැයි මාතලේ දිස්ත්‍රික් රෝහල් අධ්‍යක්ෂක අසේල දිසානායක මහතා පැවසීය.

31 December 2020

ලලිත් ගමගේ තොරතුරු-සන්නිවේදන තාක්ෂණ නියෝජිතායතනයේ සභාපති ධුරයට

ශ්‍රී ලංකා තොරතුරු හා සන්නිවේදන තාක්ෂණ නියෝජිතායතනයේ නව සභාපතිවරයා ලෙස මහාචාර්ය ලලිත් ගමගේ මහතා පත්කරනු ලැබ ඇත.ජනාධිපති ගෝඨාභය රාජපක්ෂ විසින් මෙම පත් කිරීම සිදු කර ඇත.

31 December 2020

ගල්ලෑල්ල නිරෝධායන මධ්‍යස්ථානයෙන් පළාගිය අයෙක් අත්අඩංගුවට

පොලොන්නරුව ගල්ලෑල්ල නිරෝධායන මධ්‍යස්ථානයේ ප්‍රතිකාර ලබමින් සිටිය දී අද (31) අලුයම පලා ගොස් සිටි රැඳවියන් පස් දෙනාගෙන් එක් අයෙකු අත්අඩංගුවට ගත් බව පොලිසිය කියයි.

31 December 2020

උතුරුමැද පළාත් සභාවේ ගිණුම් අංශය සම්පුර්ණයෙන් වහයි

උතුරු මැද පළාත් ප්‍රධාන අමාත්‍යාංශයේ ගිණුම් අංශයේ සේවය කළ නිලධාරිණියකට කොරෝනා රෝගය වැළදිමේ හේත්වෙන් එම ගිණුම් අංශය සහ ආයතන අංශය සම්පුර්ණයෙන් වසා දමා එහි සේවය කළ නිලධාරින් හා සේවකයන් පනස් දෙනෙකු සිය නිවෙස්වලම ස්වයං නිරෝධායනයට ලක්කොට තිබේ.

31 December 2020

අයිස් මත්ද්‍රව්‍ය ගෙන ගිය ට්‍රෝලර් යාත්‍රාවක් සමඟ සිව් දෙනෙක් අත්අඩංගුවට

අයිස් මත්ද්‍රව්‍ය තොගයක් රැගෙන යමින් සිටි ට්‍රෝලර් යාත්‍රාවක් ගාල්ල වරාය ආසන්න ජාකොටුව වැල්ලේදී අද (31) උදෑසන නාවික හමුදාවේ ද සහය ඇතිව කොටුකරගත් බව පොලිසිය පවසයි.

31 December 2020

කලවාන රෝහලේ වාට්ටුවක් වහයි

කලවාන මූලික රෝහලේ පිරිමි වාට්ටුව වෙත ප්‍රතිකාර ලබාගැනීමට පැමිණි පුද්ගලයින් දෙනෙකු වෙත කොරෝනා ආසාදිත බවට තහවුරු වීමත් සමඟ එම වාට්ටුව වසා දැමීමට පියවර ගත් බව කලවාන මූලික රෝහල පැවසීය .

31 December 2020