එසැණ පුවත්

පාස්කු ප්‍රහාර වාර්තාව හෙට පාර්ලිමේන්තුවට

පාස්කු ඉරුදින එල්ල වූ ප්‍රහාරය සම්බන්ධයෙන් සොයා බැලීමට පත්කළ ජනාධිපති කොමිෂන් සභාවේ අවසන් වාර්තාව පාර්ලිමේන්තුවට හෙට (23) ඉදිරිපත් කිරීමට කැබිනට් මණ්ඩලය තීරණය කර ඇත.

22 February 2021

සාගරිකා දුම්රියේ හැපි තරුණයෙක් මියයයි

අහංගම, කතලුව කබලාන දුම්රිය හරස් මගේදී කොළඹ සිට මාතර බලා ගමන් ගත් සාගරිකා දුම්රියේ ගැටී 22 හැවිරිදි තරුණයෙකු අද (22) දින රාත්‍රියේ මිය ගොස් ඇතැයි අහංගම පොලිසිය කියයි.

22 February 2021

මාතර බන්ධනාගාරයේ 30 කට කොරෝනා

මාතර බන්ධනාගාරයේ රැදවියන් 30 දෙනෙකුට කොරෝනා වයිරසය ආසාදනය වී ඇති බව සෞඛ්‍ය අංශ පවසයි.

22 February 2021

කො‍රෝනා මරණ 450 ට නගී

කොවිඩ්-19 වයිරසය ආසාදනය වීම හේතුවෙන් තවත් පුද්ගලයන් 5 දෙනෙකු මරණයට පත්ව ඇතැයි සෞඛ්‍ය සේවා අධ්‍යක්ෂ ජනරාල්වරයා අද (22 වැනිදා) තහවුරු කරයි.

22 February 2021

දුම්රිය වැඩ සංකේත වර්ජනයට ගත් තීරණය අත්හිටුවයි

දුම්රිය රියදුරු, නියාමක ඇතුළු වෘත්තීය සමිති කිහිපයක් අද (22) මධ්‍යම රාත්‍රීයේ සිට ක්‍රියාත්මක කිරීමට නියමිතව තිබු සංකේත වැඩ වර්ජනය අත්හිටුවීමට තීරණය කළ බව ’ලොකෝමෝටිව් ඔපරේටින් ඊංජිනියර්ස්’ රියදුරු සංගමයේ ප්‍රධාන ලේකම් ඉන්දික දොඩංගොඩ මහතා පැවසීය.

22 February 2021

උතුරේ විදුලි බලාගාර ව්‍යාපෘතියේ ඉදිකිරීම් චීන සමාගමට

ශ්‍රී ලංකාවේ උතුරු පළාතේ ඉදි කිරීමට නියමිත කුඩා විදුලි බලාගාර ව්‍යාපෘතිය ජාත්‍යන්තර ලංසු කැඳවීමක් කළ බවත් ඒ අනුව නියමිත පරිදි අදාළ ව්‍යාපෘතිය හිමි කරගත් බවත් චීනයේ සිනෝ සෝර් සමාගම නිවේදනයක් නිකුත් කරමින් සඳහන් කරයි.

22 February 2021

පවිත්‍රා අද - හෙටම අමාත්‍යංශයට

කොරෝනා වැළඳී සුවය ලබාසිටින සෞඛ්‍ය ඇමැතිනී පවිත්‍රා වන්නිආරච්චි මහත්මිය සිය අමාත්‍යංශයේ රාජකාරී කටයුතු අද හෙටම ආරම්භ කරනු ඇතැයි එම අමාත්‍යංශ ආරංචි මාර්ග කියයි.

22 February 2021

වාස් හදිසියේම ඉල්ලා අස්වෙයි

ශ්‍රී ලංකා කණ්ඩායමේ වේගපන්දු යවන්නන්ගේ පුහුණුකරුවා වශයෙන් පසුගියදා පත්කරන ලද චමින්ද වාස් මහතා මාර්තු 26 වැනිදා සිට සිය ධුරයෙන් ඉල්ලා අස්වන බව ශ්‍රී ලංකා ක්‍රිකට් ආයතනයට අද (22 වැනිදා) දැනුම්දී තිබේ. එසේම තමන් බටහිර ඉන්දීය සංචාරය සඳහා එක් නොවන බවද වාස් මහතා ශ්‍රී ලංකා ක්‍රිකට් ආයතනයට දැනුම් දී තිබේ.

22 February 2021

ඇස්ට්‍රා සෙනෙකා එන්නත් මාත්‍රා ලක්ෂ 5ක් බ්‍රහස්පතින්දා එයි

ලොව විශාලතම එන්නත් නිෂ්පාදන සමාගමක් වන ඉන්දියාවේ සීරම් ආයතනයෙන්, ඇස්ට්‍රා සෙනෙකා එන්නත් මාත්‍රා 500,000ක් ශ්‍රී ලංකාවට ලබන බ්‍රහස්පතින්දා රාත්‍රියේ ලැබෙනු ඇති බව වැඩබලන සෞඛ්‍ය අමාත්‍ය චන්න ජයසුමන මහතා පැවසීය.

22 February 2021

ආනවිළුන්දාවේ සිටවූ කඩොලාන පැළ 1000ක් ගලවා දමලා

ලෝක තෙත් බිම් දිනය නිමිත්තෙන් ආනවිළුන්දාව රැම්සා තෙත් බිමෙහි සිටුවන ලද කඩොලාන පැළ 1000කට වැඩි ප්‍රමාණයක් කිසියම් පිරිසක් විසින් ගලවා විනාශ කර දමා ඇතැයි ආනවිළුන්දාව වන ජීවී කාර්යාලය කියයි.

22 February 2021

ආසාදිත සාමාන්‍ය පෙළ සිසුන්ට නවගමුව රෝහල වෙන්කෙරේ

මාර්තු මාසයේ දී පැවැත්වීමට නියමිත අ.පො.ස. සාමාන්‍ය පෙළ විභාගයට පෙනී සිටීමට අපේක්ෂිත සහ නිවෙස් ගත නිරෝධායනයට යොමුකරනු ලබන ආශ්‍රිතයන් අතරින් හදිසියේ කොවිඩ් ආසාධිත සිසුවෙකු හමුවුවහොත් එවැනි සිසුන් සඳහා විභාග දෙපාර්තමේන්තුවට සහයෝගයක් ලෙස නවගමුව රෝහල වෙන්කරන බව කොළඹ දිස්ත්‍රික් ලේකම් (දිසාපති) ප්‍රදීප් යසරත්න මහතා අද (22) පැවසීය.

22 February 2021

දුම්රිය වෘත්තිය සමිති 19 ක් මධ්‍යම රාත්‍රියේ සිට වර්ජනයක

සියලුම දුම්රිය ධාවනයෙන් ඉවත්ව අද (22) මධ්‍යම රාත්‍රි 12.00 සිට හෙට (23) මධ්‍යම රාත්‍රී 12.00 දක්වා එක්දින දුම්රිය වැඩවර්ජනයක නිරතවන බව දුම්රිය එන්ජින් රියදුරන්ගේ සංගමයේ ලේකම් ඉන්දික දොඩංගොඩ මහතා පැවසීය.

22 February 2021

ටෙලි නලු ගයාන්ට යළිත් සිතාසි

නඩත්තු නඩුවකට අදාළව තම බාල වයස්කාර දරුවන් දෙදෙනා හට අධිකරණය විසින් ගෙවීමට නියම කළ නඩත්තු මුදල් වසර පහක පමණ කාලයක සිට පැහැර හැර ඇති බව කියන ගයාන් ප්‍රසාද් වික්‍රමතිලක නැවත වරක් සිතාසි නිකුත් කිරීමට මහර මහේස්ත්‍රාත් කේමින්ද පෙරේරා මහතා අද (22) නියම කළේය.

22 February 2021

නිරෝධායනය කරනවැයි කියා කප්පම් ගනිති

මහජන සෞඛ්‍ය පරීක්ෂකවරු බව පවසමින් කොරෝනා මර්දන නීතිය යටතේ සිය වෙළදසල් හා තමන් ස්වයං නීරෝධායනයට ලක් නොකිරීමට නම් විද්‍යුත් ක්‍රමයට මුදල් ලබා දෙන ලෙස අම්බලන්ගොඩ ව්‍යාපාරිකයින්ගෙන් කප්පම් ඉල්ලන කණ්ඩායමක් පිළිබදව අද (22) පරීක්ෂණ ආරම්භ කළ බව අම්බලන්ගොඩ පොලීසිය කියයි.

22 February 2021

ජූලි 17 දා වෙලේ සුදාට අධිකරණයට එන්න කියයි

ශ්‍රී ලංකාවට හෙරොයින් ගෙන්වන මහාපරිමාණ මත්කුඩු ජාවාරම්කරුවකු වන වෙලේ සුදා නමැත්තාට, ඔහුගේ බිරිඳට හා සහෝදරියට එරෙහිව පවරා ඇති නඩුව ලබන ජුනි 17 වැනිදා කැඳවීමට නියම කළ කොළඹ මහාධිකරණ විනිසුරු ආදිත්‍ය පටබැඳි මහතා විත්තිකාර වෙලේ සුදා එදින අධිකරණයට ඉදිරිපත්කරන ලෙස ද නියම කළේය.

22 February 2021

කණු මතින් ඉදිවන අධිවේගී මාර්ගයට එරෙහිව විරෝධතාවයක

පෑලියගොඩ සිට අතුරුගිරිය දක්වා කණු මතින් ඉදිවන අධිවේගී මාර්ගය ඉදිකිරීමේදී පොතුඅරාව ප්‍රදේශයේ කිසිදු නිවසකට හානි නොකර මුල් සැලසුම අනුව වෙල්යාය මතින් ඉදිකරන ලෙස ඉල්ලා පිරිසක් බත්තරමුල්ල ඩෙන්සිල් කොබ්බෑකඩුව මාවත පිහිටි මධ්‍යම පරිසර අධිකාරිය ඉදිරිපිට විරෝධතාවයක අද (22) නිරතවූහ‍.

22 February 2021

උසස් පෙළ පන්ති ජූලියේදී ඇරඹෙයි

මෙවර අධ්‍යයන පොදු සහතික පත්‍ර සාමාන්‍ය පෙළ විභාගයට පෙනී සිටින දරුවන්ගේ උසස් පෙළ පන්ති ජූලි මාසයේ ආරම්භ කිරීමට සැලසුම් සකස්කර ඇති බව අධ්‍යාපන අමාත්‍ය මහාචාර්ය ජී එල් පීරිස් මහතා ප්‍රකාශ කළේය. සාමාන්‍ය පෙළ විභාගය මාර්තු මස පළමුවැනිදා සිට 10 වැනිදා දක්වා පැවැත්වෙන අතර එහි ප්‍රතිඵල ජුනි මස වන විට ලබා දීමට අපේක්ෂා කරන බව ද අමාත්‍යවරයා කියා සිටියේය.

22 February 2021

රංජන් බලන්න සජිත් යයි

විපක්ෂ නායක සජිත් ප්‍රේමදාස මහතා අද (22) පෙරවරුවේ අගුණකොලපැලැස්ස බන්ධනාගාරයට ගොස් පාර්ලිමේන්තු මන්ත්‍රී රන්ජන් රාමනායක මහතාගේ සුවදුක් විමසා බැලීය.

22 February 2021

බස් රථයක් පෙරැළෙයි - 13 කට තුවාල

බිබිල සිට තලවකැලේ දක්වා ධාවනය වූ පෞද්ගලික බස් රථයක් නානුඔය රදැල්ල කෙටි මාර්ගයේදි අද(22) ප්‍රධාන මාර්ගය හරහා පෙරැළීම හේතුවෙන් එහි ගමන්ගත් මගීන් 13 දෙනෙකු තුවාල ලබා නුවරඑලිය දිස්ත්‍රික් මහ රෝහල වෙත ඇතුලත් කර ඇති බව නානුඔය පොලිසිය පැවසීය.

22 February 2021

ආබාධිත රණවිරුවෝ මාසික ස්ථාවර දීමනාව ඉල්ලති

ත්‍රිවිධ හමුදා විශ්‍රාමික ක්‍රියාන්විත ආබාධිත රණවිරු සංගමය විසින් සංවිධානය කරන ලද නිහඬ විරෝධතාවයක් අද(22) කොළඹ ගාලු මුවදොර උද්ඝෝෂණ කලාපයේදී පැවැත්විණි.

22 February 2021

පොලිසියට හානි වන ප්‍රකාශයක් කළ එස්අයිගේ වැඩ තහනම්

පොලිස් දෙපාර්තමේන්තුවේ ගෞරවයට හානිදායක වන අයුරින් අපකීර්තිමත් ප්‍රකාශයක් කරමින්, එය සමාජ මාධ්‍ය ඔස්සේ සංසරණයවීමට කටයුතු කළ බව කියන අලුත්ගම පොලිසියේ උප පොලිස් පරීක්ෂකවරයාගේ වැඩ තහනම් කළ බව කළුතර දිස්ත්‍රික් ජ්‍යෙෂ්ඨ පොලිස් අධිකාරි නිශාන් සිල්වා මහතා පැවසීය. මෙලෙස වැඩ තහනමට ලක්ව ඇත්තේ සාමාන්‍ය රාජකාරිවල නිරතව සිටි නිලධාරියෙකි.

22 February 2021

පොතුවිල් පාගමනට ආ මන්ත්‍රීවරුන්ගෙන් පොලිසිය ප්‍රකාශ ලබාගනී

අධිකරණ නියෝග නොතකමින් පොතුවිල් සිට පෝලිකණ්ඩි දක්වා විරෝධතා පාගමනට එක්වීම සම්බන්ධයෙන් දෙමළ ජාතික සන්ධානයේ පාර්ලිමේන්තු මන්ත්‍රීවරුන් වන එම්. ඒ. සුමන්තිරන්, රාසමානිකක්ම් සානක්‍යයන්, තවරසා කලෙයිඅරසන්, සෙල්වම් අඩෙක්කලනාදන් ඇතුළු දේශපාලන නියෝජීතයින් රැසකගෙන් පොලීසිය ප්‍රකාශ ලබාගෙන තිබේ.

22 February 2021

දේශපාලනඥයින්ගෙන් බලපෑම් ඇතැයි අම්බලන්ගොඩ ග්‍රාම නිලධාරීහු කියති

අම්බලන්ගොඩ ප්‍රාදේශීය දේශපාලනඥයින්ගෙන් රාජ්‍ය සේවකයින්ට වන බලපෑම්වලට විරෝධය පා අද (22) දහවල් ප්‍රාදේශීය ලේකම් කාර්යාලයේ ග්‍රාම නිලධාරීන් ඇතුළු සේවකයෝ එම කාර්යාලය ඉදිරිපිට සිට උද්ඝෝෂණයක නිරතවූහ.

22 February 2021

කැලෑ කැපීම නැවැත්වීමට බැරි දේශපාලන සම්බන්ධතා නිසාද?

රටේ පරිසරය විනාශ කිරීම වැළැක්වීම සාමාන්‍යයෙන් ආරක්ෂක ලේකම්වරයා යටතට පැමිණෙන රාජකාරියක් නොවේ. ඔහුගේ ඉහළම ප්‍රමුඛත්වය ලැබිය යුත්තේ රට, ජාතිය සහ සියලු‍ වැසියන්ගේ ආරක්ෂාව සහතික කිරීම සඳහාය. එසේ වුවද ආරක්ෂක ලේකම් ජනරාල් කමල් ගුණරත්න මහතා පසුගියදා ත්‍රිකුණාමලය බාර නියෝජ්‍ය පොලිස්පතිවරයාට නියෝග කර තිබුණේ එම ප්‍රදේශයේ සිදු කෙරෙන මහා පරිමාණ කැලෑ එළිපෙහෙළි කිරීම් වහාම නවත්වා දැමීමට අවශ්‍ය පියවර ගන්නා ලෙසටය.

22 February 2021

සහරාන්ගේ මරාගෙන මැරෙන සෙල්ලම් මාවනැල්ල කෙල්ල වමාරයි

මරාගෙන මැරෙනු පිණිස රට පුරා තරුණියන් 15 දෙනකු පාස්කු ඉරු දින ප්‍රහාරයේ මහ මොළකරු වූ සහරාන් හෂීම් නමැත්තා යටතේ අවි පුහුණුව ලබා ඇතැයි තොරතුරු හෙළිවී තිබෙන බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ අජිත් රෝහණ මහතා පැවැසීය.

22 February 2021

ළහිරු කුමාරට කොරෝනා

අද රාත්‍රියේ බටහිර ඉන්දීය දූපත් බලා යාමට සිටි ශ්‍රී ලංකා ක්‍රිකට් කණ්ඩායමේ වේග පන්දු යවන්නකු වන ළහිරු කුමාරට කොරෝනා වයිරසය අසාදනය වී ඇතැයි ශ්‍රී ලංකා ක්‍රිකට් ආයතනය තහවුරු කරයි. සංචාරය බලා පිටත්ව යාමට පෙර, කරන ලද පී.සී.ආර්. පරීක්ෂණ වලදී ඔහුට වයිරසය අසාදනය වී ඇතැයි තහවුරු වී තිබේ.

22 February 2021

දෙමළ දේශපාලන පක්ෂ 10 ක් එක්වෙයි

දෙමළ ජාතික සන්ධානය ඇතුළු උතුරු නැගෙනහිර පළාත් ප්‍රධාන දෙමළ දේශපාලන පක්ෂ 10 ක් එකාබද්ධව ‘දෙමළ ජාතික කවුන්සිලය’ නමින් නව දේශපාලන පෙරමුණක් පිහිටුවීමට යෝජනා කර ඇත.

22 February 2021

ඇමෙරිකානු අධිකරණයෙන් චෝදනා එල්ලවූ පාස්කු ප්‍රහාරකයන් ගැන සාකච්ඡා

2019 වසරේ අප්‍රේල් 21 වැනිදා ශ්‍රී ලංකාවේ සිදුවූ පාස්කු ඉරුදින බෝම්බ ප්‍රහාරයෙන් ඇමරිකා සිවිල් වැසියන් ඝාතනය කිරීම සම්බන්ධයෙන් ඇමෙරිකා අධිකරණයෙන් අපරාධ චෝදනා එල්ලවී සිටින ශ්‍රී ලාංකික සැකකරුවන් සහ ඇමෙරිකාවේ පවතින එල්ටීටීඊ හිතවාදී සංවිධාන සම්බන්ධයෙන් ගන්නා ඉදිරි ක්‍රියාමාර්ග පිළිබඳව ඇමෙරිකාවේ වොෂින්ටන්හී ශ්‍රී ලංකා තානාපති රවිනාථ ආර්යසිංහ මහතා එරට අධිකරණ දෙපාර්තමේන්තුව සමඟ සාකච්ඡා කර ඇත.

22 February 2021