එසැණ පුවත්

’’එක්ස්ප්‍රස් පර්ල් නඩුවට කෝටි 19ක් වැය කරලා’’

එක්ස්ප්‍රස් පර්ල් නැව විනාශ වීමෙන් ශ්‍රී ලංකාවේ සමුද්‍ර පරිසරයට සිදුවූ හානිය සම්බන්ධයෙන් කරුණු විභාග කෙරෙන නඩුවේ නඩු ගාස්තු වෙනුවෙන් මහා භාණ්ඩාගාරය කෝටි 19ක් දැනට වියදම් කර ඇතත් අනතුර සිදුවී වසර තුනක් ගතවෙලත් රටට තවමත් එක සත පහක් හෝ වන්දියක් ලැබී නැතැයි ගම්පහ දිස්ත්‍රික් මන්ත්‍රී ඉන්ජිනේරු අජිත් මාන්නප්පෙරුම මහතා පාර්ලිමේන්තුවේදී පැවසීය.

24 July 2024

අල්ලස් ගත්තැයි ග්‍රාම සේවක රිමාන්ඩ්

උප්පැන්න සහතිකයේ නම වෙනස් කර දීම ඇතුළු කටයුතු කරදීමට රුපියල් 50 000 ක් වටිනා මත්පැන් බෝතල් දෙකක් ඉල්ලා පසුව රුපියල් 40000 අල්ලසක් ලබා ගත්තේ යැයි කියන කොළඹ 15 මාදම්පිටිය ග්‍රාම නිලධාරීවරයා ලබන 06 දින තෙක් රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් තිළිණ ගමගේ මහතා අද (24)නියෝග කළේය.

24 July 2024

සාම සාධක බළකාය දිවයිනට

එක්සත් ජාතීන්ගේ සංවිධානය යටතේ මාලි රාජ්‍යයේ සාම සාධක මෙහෙයුම් සදහා මෙරටින් පිටත්ව ගිය යුද හමුදා භට පිරිස් වසර 7 ක සාම සාධක මෙහෙයුම් අවසන් කරමින් යළි කටුනායක ගුවන්තොටුපොළට අද (24) පැමිණි යුද හමුදා මාධ්‍ය ප්‍රකාශක රසික කුමාර මහතා පැවැසීය.

24 July 2024

මහනුවරින් නව පක්ෂයක්

මහනුවර ව්‍යෛවරුන් කණ්ඩායමක් ඇතුළු විද්වතුන් එක්ව නව ක්‍රමයක් නීතී ගරුක රටක් යන තේමාව මූලික කරගනිමින් ‘‘අපේ සන්ධානය‘‘ නමින් නව දේශ⁣පාළන සන්ධානයක් පිහිටුවා ගත්තේය.

24 July 2024

සමරිසි පනතට මහා නා හිමි අප්‍රසාදය

සමාජ පරිහානියට හේතුවන සදාචාර විරෝධී යෝජිත සමරිසි පනත් කෙටුම්පත සම්බන්ධයෙන් ත්‍රෛනිකායික මහනාහිමිවරුන්ගේ දැඩි අප්‍රසාදය පළ කරමින් ත්‍රෛනිකායික මහනාහිමිවරුන්ගේ අත්සනින් යුතුව ජනාධිපති රනිල් වික්‍රමසිංහ මහතාට ලිපියක් යොමු කළහ.

24 July 2024

’’පාර්ලිමේන්තුවේ බලහත්කාරය’’ එළිදකියි

ජනාධිපති මාධ්‍ය අංශයේ පාර්ලිමේන්තු කටයුතු පිළිබඳ අධ්‍යක්ෂ නදීරා මඩුගල්ල ලියූ ’’පාර්ලිමේන්තුවේ බලහත්කාරය - පොලිස් බලය යොදා සභා ගැබෙන් පිටමං කළ මන්ත්‍රීවරු’’ කෘතිය එළිදැක්වීම අග්‍රාමාත්‍ය දිනේෂ් ගුණවර්ධන මහතාගේ ප්‍රධානත්වයෙන් ජනාධිපති කාර්යාලයේ දී සිදු කෙරිණි.

24 July 2024

’’ X ban - 2024 ජනපති සුරතින් විවෘත වෙයි

ගම්පහ බණ්ඩාරනායක විද්‍යාලයීය ’’ X ban - 2024 ප්‍රදර්ශනය ඊයේ (24) ජනාධිපති රනිල් වික්‍රමසිංහ මහතාගේ ප්‍රධානත්වයෙන් ආරම්භ කෙරුනු අතර මෙම මස 28 වෙනි දින දක්වා මෙය පැවැත්වෙනු ඇත.

24 July 2024

ජනපති සටනට පෙරටුගාමීන් සූදානමින්

ඉදිරියේදී පැවැත්වෙන ජනාධිපතිවරණයට පෙරටුගාමී සමාජවාදී පක්ෂයෙන් අනිවාර්යයෙන්ම තරඟ කරන බව ජන අරගල සන්ධානයේ විධායක කමිටු සාමාජිකා සුරේඛා සමරසේන ලංකාදීපයට පැවසුවාය.

24 July 2024

ජනපති ළඟට යන්න ඉන්න සජබ දෙන්නා නම් කරයි

රනිල්ගේ ළඟට සමගි ජන බලවේගයෙන් කවුරුන් හෝ යනවා නම් ඒ සරත් ෆොන්සේකා සහ රාජිත සේනාරත්න පමණක් බව කුරුණෑගල දිස්ත්‍රික් මන්ත්‍රී තුෂාර ඉඳුනිල් මහතා පාර්ලිමේන්තුවේදී පැවසීය.

24 July 2024

මුදවන ලද රබර් කිරි - ෂීට් ගේන්න අවසර

තාවකාලික ආනයන හා අපනයන යෝජනා ක්‍රමය යටතේ මුදවන ලද රබර් කිරි සහ රබර් ෂීට් ආනයනය කිරීම සඳහා කැබිනට් අනුමැතිය ලැබී ඇත.

24 July 2024

මුලතිව් වෙඩි තැබීමක්

මුලතිව් කල්විලාන් ප්‍රදේශයේදී අද (24) කිසියම් නාඳුනන පිරිසක් සිදුකළ වෙඩිතැබීමකින් ගොවියෙකු බරපතල තුවාල ලබා රෝහල්ගත කළ බවට මුලතිව් පොලීසිය පවසයි.

24 July 2024

සෙනසුරු අද රෑ අතුරුදන් වෙනවා

සෞරග්‍රහ මණ්ඩලයේ වළලුවලින් සමන්විත ලස්සනම ග්‍රහලෝකය ලෙස සැලකෙන සෙනසුරු අද (24) රාත්‍රී අහසෙන් අතුරුදන් වෙයි.

24 July 2024

බඹරු වැසූ මඩිතියවල ප්‍රාථමිකයේ පන්ති තුනක් භාවනා මධ්‍යස්ථානයක

බඹරු ඇවිස්සීමෙන් වසා දැමූ මඩිතියවල ප්‍රාථමික විදුහලේ එක, දෙක ,තුන ,ශ්‍රේණි අද ( 24 ) වත්තෙමුල්ල ශාසනෝදය භාවනා මධ්‍යස්ථානයේ දී පැවැත්වීමට පියවර ගෙන තිබිණි.

24 July 2024

පොලිස්පති පත් කළේ වැරැදි පාරෙන්

කතානායකවරයා යැවූ විකෘති ලියුමකට ජනාධිපතිවරයා පොලිස්පතිවරයා පත් කළේ ආණ්ඩුක්‍රම ව්‍යවස්ථාව අමු අමුවේ උල්ලංඝනය කරමින් බව විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද (23) පැවසීය.

24 July 2024

ග්‍රාම නිලධාරී අල්ලස් දැලේ

පදිංචි සහතිකයක් ලබාදීම වෙනුවෙන් රුපියල් 40000 ක අල්ලස් මුදලක් ලබා ගැනීම සම්බන්ධයෙන් වෙලවීදිය ප්‍රාදේශීය ලේකම් කොට්ඨාසයට අයත් ග්‍රාම නිලධාරීවරයා මෝදර මහල් නිවාස සංකීර්ණයක පිහිටිග්‍රාම නිලධාරී කාර්යාලය තුළදී අත්අඩංගුවට ගත් බව අල්ලස් සෝ දූෂණ චෝදනා විමර්ශන කොමිෂන් සභාව කියයි.

24 July 2024

නේපාල ගුවන් යානයක් අනතුරේ

නේපාලයේ කන්මණ්ඩු ජාත්‍යන්තර ගුවන්තොටුපොළ අසල දී කුඩා මගී ගුවන් යානයක් අනතුරට පත් වී කඩා වැටුණි. ඒ, යානය ගුවන්ගත වීමට සූදානම් වෙද්දීය. යානයේ සිටි සියලු දෙනා අනතුරින් ජීවිතක්ෂයට පත්වුණු බවත් වාර්තා වේ.

24 July 2024

පළතුරු රජුට වලස්මුල්ලේ ගම් හතරක් දෙයි

ශ්‍රී ලංකාවේ ප්‍රථම දූරියන් ආදර්ශ වගා කලාපය වලස්මුල්ල හදුගල ඇතුළු ගම්මාන හතරක් කේන්ද්‍ර කර ගනිමින් ඇරැඹීමට කෘෂිකර්ම අමාත්‍යාංශය තීරණය කළේය.

24 July 2024

රට පුරා සන්නද්ධ හමුදා කැඳවීමට ආඥාවක්

මහජන ආරක්ෂාව සඳහා රට පුරා සන්නද්ධ හමුදා කැඳවීමට ජනාධිපතිවරයා ආඥාවක් නිකුත් කර ඇතැයි නියෝජ්‍ය කතානායක අජිත් රාජපක්ෂ මහතා පාර්ලිමේන්තුවේදී අද පැවසීය.

24 July 2024

කටුනායක ඉංජිනේරු ඩිප්ලෝමාව උපාධියක් කරයි

කටුනායක ඉංජිනේරු තාක්ෂණ ආයතනයේ ඩිප්ලෝමා පාඨමාලා,උපාධි පාඨමාලා තත්ත්වය ඉහළ නැංවීම සඳහා කැබිනට් අනුමැතිය ලැබී ඇත.

24 July 2024

සමාජ ආරක්ෂණ ප්‍රතිපත්තියට කැබිනට් අනුමැතිය

ශ්‍රී ලංකාවෙි සමාජ ආරක්ෂණ ප්‍රතිපත්තිය සඳහා කැබිනට් අනුමැතිය ලැබී ඇත.

24 July 2024

‘චන්දිපුර’ 36 ක් බිලිගනී

ඉන්දියාවේ ගුජරාඨ ප්‍රාන්තයේ පැතිරෙන ‘චන්දිපුර’ වයිරසය හේතුවෙන් 36 දෙනකු මියගොස් ඇතැයි ඉන්දීය මාධ්‍ය වාර්තා කරයි. මියගිය එම 36 දෙනාගෙන් 15 දෙනකු කුඩා දරුවන් බව ද පැවැසෙයි.

24 July 2024

කළුතර දිස්ත්‍රික් ලේකම් කාර්යාලයේ ගින්නක්

කළුතර දිස්ත්‍රික් ලේකම් කාර්යාලයේ ගින්නක් හටගෙන ඇති බව කළුතර දකුණ පොලිසිය පවසයි .

24 July 2024

ගෝලීය පරිසර පහසුකමින් ලංකාවට ඩොලර් මිලියන 1.23ක්

දේශගුණික විපර්යාස පිළිබඳ එක්සත් ජාතීන්ගේ රාමුගත සම්මුතිය වෙත ඉදිරිපත් කළ යුතු වාර්තා පිළියෙල කිරීම සඳහා ලැබෙන ඩොලර් මිලියන 1.23ක ප්‍රදානයක් ලබා ගැනීම සඳහා කැබිනට් අනුමැතිය ලැබී තිබේ.

24 July 2024

කොළඹ සරසවි වෙද සිසුවියන්ට ඉන්න තැනක් ලැබෙයි

දේශීය වෛද්‍ය විද්‍යාපීඨයේ නේවාසිකාගාර අවශ්‍යතා සඳහා කොළඹ විශ්ව විද්‍යාලය වෙත ඉඩම් කොටසක් පවරා දීමට කැබිනට් අනුමැතිය ලැබී ඇත.‍

24 July 2024

පොලිස්පති දේශබන්දුට ධූරය වළක්වමින් අතුරු තහනමක්

පොලිස්පති දේශබන්දු තෙන්නකෝන් මහතා සිය ධූරය දැරීම බලතල භාවිතය සහ එම ධූරයේ කටයුතු කිරීම වළකාලමින් ශ්‍රේෂ්ඨාධිකරණය අද අතුරු නියෝගයක් නිකුත් කළේය.

24 July 2024

ඉතියෝපියාවේ 232 ක් පණ පිටින් වැළලෙති

අප්‍රිකා රාජ්‍යයක් වන ඉතියෝපියාවේ සිදුවුණු නායයෑම් දෙකකින්, දෙසිය තිස් දෙදෙනෙක් ජීවිතක්ෂයට පත් වූහ. නායයෑම් හටගත්තේ නොකඩවා ඇද හැලුණු මහ වැසි හේතුවෙනි.

24 July 2024

කෝටි දෙකහමාරක හෙරොයින් වතුර ටැංකියක

වතුර ටැංකියක සඟවා තිබූ දෙකෝටි දාහතර ලක්ෂයක් පමණ වටිනා හෙරොයින් කිලෝවකට වැඩි ප්‍රමාණයක් මිනුවන්ගොඩ අලුතෑපොළ ප්‍රදේශයේදී සිය බාරයට ගත් බව පොලිස් විශේෂ කාර්ය බලකාය කියයි.

24 July 2024

රිය අනතුරින් එක් අයකු මරුට:තිදෙනකුට තුවාල

හම්බන්තොට සූරිය වැව අඩි 100 මාර්ගයේ වියළි කලාපීය උද්භිත උද්‍යානය අසලදී සිව් දෙනකු ගමන් කොට ඇති යතුරුපැදියක් හා නාවික හමුදා කැබ් රථයක් මුහුණට මුහුණ ගැටීමෙන් යතුරුපැදියේ ගමන් කළ එක් අයකු මියගොස් අනෙක් තිදෙනා තුවාල ලබා හම්බන්තොට දිස්ත්‍රික් මූලික රෝහලට ඇතුළත් කළ බව හම්බන්තොට පොලිසිය පවසයි.

24 July 2024