(යොහාන් භාසුර සහ ඉන්දිකා රාමනායක)

මූල්‍ය වංචා චෝදනාවක් මත වැලිකඩ බන්ධනාගාරයේ රක්‍ෂිත බන්ධනාගාරගත කර සිටි තිළිණි ප්‍රියමාලි සියලුම නඩුවලින් ඇප ලැබීම හේතුවෙන් බන්ධනාගාරයෙන් මුදාහැරි බව බන්ධනාගාර මධ්‍ය ප්‍රකාශක සහ අතිරේක බන්ධනාගාර කොමසාරිස් ජනරාල් චන්දන ඒකනායක මහතා පැවසීය.

ඇය සියලුම නඩුවලට අදාල ඇප තැම්පත් කර තිබීම සහ බන්ධනාගාරය තුළ දුරකථනයක් සන්තකයේ තබාගත්තේ යැයි කියන චෝදනාවට ද දිස්ත්‍රික් උසාවියෙන් ඇප නියම කර ඇති බවත් ඒ හේතුවෙන් ඇය මුදාහැරීමට කටයුතු කළ බවත් ඒකනායක මහතා වැඩි දුරටත් සඳහන් කළේය.