(ජයන්ත සමරකෝන්)
 
සිංගප්පූරු  ජාතිකයෙකු  වන  හිටපු මහ බැංකු  අධිපති අර්ජුන් මහේන්ද්‍රන් මහතාගේ අත්සනින් නිකුත් කර ඇති මුදල් නෝට්ටුවල වලංගු භාවය පිළිබඳව ලබන සතියේදී ශ්‍රේෂ්ඨාධිකරණයේ මතය විමසන බව  පාර්ලිමේන්තු මන්ත්‍රී  ආචාර්ය  බන්දුල ගුණවර්ධන මහතා පැවසීය.
 
ආණ්ඩුක්‍රම ව්‍යවස්ථාවේ 165 වැනි වගන්තියේ 4.7 උපලේඛනවලට අනුව මෙම නීතී විරෝධි ක්‍රියා සම්බන්ධයෙන්  බරපතල ගැටලු සහගත තත්ත්වයක් මතුව ඇතැයිද මන්ත්‍රීවරයා කීය.
 
මේ පිළිබඳව  එවකට අධිකරණයට පැමිණිලි   කිරීමට  තීරණය කළ අවස්ථාවේ  බැඳුම්කර වංචාව පිළිබඳව සෙවීමට ජනාධිපති කොමිසමක් පත් කර තිබූ නිසා එම අදහස අත්හළ බවද අමාත්‍යවරයා සඳහන් කළේය.
 
  සිංගප්පූරුවේ පුරවැසියකු ලෙස  අර්ජුන් මහෙන්ද්‍රන් මහතා  ශ්‍රී ලංකා මුදල් නෝට්ටුවල අත්සන් තැබීම  නීතී විරෝධි බවද ආණ්ඩුක්‍රම ව්‍යවස්ථාවට අනුව ඔහු  දිවුරුම් දී නොමැති බවද මහෙස්ත්‍රාත්වරයා පෙන්වා දුන්නේය.
 
 කොළඹ 07 විපක්ෂ  නායක කාර්යාලයේදී  පැවැති ප්‍රවෘත්ති සාකච්ඡාවකදී   මන්ත්‍රීවරයා මේබව සඳහන් කළේය.