මහ පුවරුව

දෙවිනුවර පෙරහරෙන් කාවඩි නවති

දෙවිනුවර උත්පලවණ්ණ ශ්‍රී විෂ්ණු මහා දේවාලයේ මෙවර ඇසල මංගල්‍යයේ දැඩි කතාබහට ලක්ව ඇති 06 වැනි පේලි පෙරහරේ කාවඩි අංගය ඉවත් කරන ලෙස පොලිස්පති ප්‍රියන්ත වීරසූරිය මහතා විසින් මාතර මහ දිසාපතිවරයා වෙත අද ලිඛිතව දැනුම් දී ඇත.

26 July 2026

ආපන ශාලා හිමිකරුගේ ඝාතකයන් රණාලෙන් අල්ලයි

බොරලැස්ගමුව බෙල්ලන්විල ආපනශාලාවක හිමිකරුට වෙඩි තබා ඝාතනය කර පලා යමින් සිටි වෙඩික්කරු සහ පැදිකරු වෙඩි ප්‍රහාරයෙන් පැයකට පසු අත්අඩංගුවට ගත් බව නවගමුව පොලිසියේ ස්ථානාධිපති ප්‍රධාන පොලිස් පරීක්ෂක එස්. ඒ. සි. ජයනාත් මහතා පවසයි.

26 July 2026

නිලධාරී රාජකාරි පැහැරහැරීම සයිබර් සොරකමට හේතුවෙලා

ඇමෙරිකානු ඩොලර් ලක්ෂ 25 ක සයිබර් සොරකම සිදුව ඇත්තේ මුදල් අමාත්‍යංශයේ පාලන රාමුවේ තිබෙන දුර්වලතා සහ අමාත්‍යාංශ නිලධාරීන් සිය රාජකාරි නිසියාකාරයෙන් ඉටු නොකිරීම හේතුවෙන් බව ශ්‍රී ලංකා මහ බැංකුව රාජ්‍ය මුදල් කාරක සභාවට ඉදිරිපත් කළ වර්තාවක දැක්වේ.

25 July 2026

නාමල්ගේ මගුලට නොමිලේ විදුලිය ගත් නඩුව දෙසැම්බර් 4 විභාගයට

හිටපු අමාත්‍ය නාමල් රාජපක්ෂ මහතාගේ විවාහ මංගල උත්සවයට නොමිලේ විදුලිය සැපයීම මගින් රටේ ජනතාවගේ මූලික අයිතිවාසිකම් කඩවන ලද සඳහන් කරමින් ඊට වන්දි ලබාදෙන ලෙස ඉල්ලා නීතිඥවරයකු ගොනුකොට තිබූ මූලික අයිතිවාසිකම් පෙත්සම දෙසැම්බර් 4 වැනි දින විභාගයට ගැනීමට ශ්‍රේෂ්ඨාධිකරණය දින නියම කළේය.

24 July 2026

විපක්ෂයේ පක්ෂ නායකයෝ එක මෙිසෙට එති

නීතියේ ආධිපත්‍ය සහ අධිකරණයේ ස්වාධීනත්වය ආරක්ෂා කිරීම උදෙසා විපක්ෂයේ එකමුතුවක් බිහි කිරීම සඳහා විපක්ෂයේ පක්ෂ නායකයෝ කොළඹ විපක්ෂ නායක කාර්යාලයට රැස්වී එකමුතුවක් ඇතිකර ගත්හ.

23 July 2026

උසස් පෙළට එරෙහි පෙත්සම ඉවතට

මෙම අගෝස්තු මස පැවැත්වීමට නියමිත අපොස උසස් පෙළ විභාගය දෙමසකින් කල් දමන මෙන් නියෝගයක් නිකුත් කරන්නැයි ඉල්ලා සිසුන් පිරිසක් ගොනුකළ රිට් පෙත්සම විභාගයට නොගෙන නිෂ්ප්‍රභ කිරීමට අභියාචනාධිකරණය අද (23) තීරණය කළේය.

23 July 2026

අධිකරණ ඇමැති විශ්වාසභංගය අනිද්දා විවාදයට

අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතාට එරෙහි විශ්වාසභංග යෝජනාව අනිද්දා (24) සිකුරාදා විවාදයට ගැනීමට පාර්ලිමේන්තු කටයුතු පිළිබඳ කාරක සභාව අද (22) තීරණය කළේය.

22 July 2026

බාබ් එල් මෙන්ඩෙබ් සමුද්‍ර සන්ධියෙන් යන්න ආ තෙල් නැව් දෙකකට බාධා

බාබ් එල් මෙන්ඩෙබ් සමුද්‍ර සන්ධියේ හරහා යාත්‍රා කිරීමට පැමිණි සෞදි බොරතෙල් රැගත් ඉන්ධන ප්‍රවාහන නෞකා තුනක් ආපසු හැරවීමත් සමග ලෝක බොරතෙල් වෙළෙඳපොළේ බොරතල් බැරලයක මිල නැවතත් ඇමෙරිකානු ඩොලර් 90 සීමාව පසුකර ගියේය.

22 July 2026

භාණ්ඩාගාරයට හැකරැ රිංගුවේ ණය කන්තෝරැ නිලධාරීන් පුහුණුවක ඉද්දී

ඕස්ට්‍රේලියාවට ගෙවීමට සූදානම් වූ මහ භාණ්ඩාගාරයේ ඇමෙරිකානු ඩොලර් ලක්ෂ 25ක ණය මුදලක් වංචනිකයන් පිරිසක් අතට පත්වීමේ සිද්ධියවූ කාලයේදී රාජ්‍ය ණය කළමනාකරණ කාර්යාලයේ නිලධාරින් ශ්‍රී ලංකා මහා බැංකුවේ සේවාස්ථ පුහුණුවක නිරතව සිට ඇති බව මුදල් සහ ක්‍රම සම්පාදන නියෝජ්‍ය අමාත්‍ය ආචාර්ය අනිල් ජයන්ත ප්‍රනාන්දු මහතා පාර්ලිමේන්තුවේදී අද පැවසීය.

21 July 2026

රඳවා තබා ගැනීම ගාස්තු නිසා කෝටි ගණනක වාහන වරායේ අතහැරලා

හම්බන්තොට වරායේ ගාල්කර තිබෙන වාහනවලට විශාල රඳවා ගැනීමේ ගාස්තුවක් අයකිරීම නිසා ආනයනය කළ සුඛෝපභෝගි මෝටර් රථ දහසක් පමණ ආනයනකරුවන් නිදහස් කරගැනීමෙන් තොරව අතහැර දැමීම නිසා එම වාහන විනාශ වෙමින් පවතින බවත් ශ්‍රී ලංකා රේගු දෙපාර්තමේන්තු ආරංචි මාර්ග සඳහන් කරයි.

21 July 2026

එයාර් බස් ගනුදෙනුව ගැන හොයන්න කණ්ඩායමක් ඕස්ට්‍රෙිලියාවට

ශ්‍රී ලංකන් ගුවන් සමාගමට 2013 වසරේදී යානා දහයකින් සමන්විත ගුවන් බලඇණියක් මිලදී ගැනීමේදී යුරෝපීය ගුවන් සමාගමකින් ඇමරිකන් ඩොලර් මිලියන 2ක මුදලක් ලබා ගැනීමේ අල්ලස් සිද්ධියේ සැකකරුවන් සහ සාක්ෂිකරුවන් සොයා අල්ලස් කොමිසමේ සහ අපරාධ පරීක්ෂණ දෙපාර්තමේන්තුව ඒකාබද්ධ විශේෂ පොලිස් කණ්ඩායමක් ඕස්ට්‍රේලියා බලා යෑමට නියමිතය.

20 July 2026

අධිවේගයේදී සැප බසයක් ගිනි ගනී

අති සුඛෝභෝගී පෞද්ගලික මගි බස් රථයක් අද රාත්‍රි 06.45 හදිසියේ ඇතිවූ ගිනි ගැනීමක් හේතුවෙන් සම්පූර්ණයෙන්ම විනාශ වී ගිය බව දක්ෂිණ අධිවේගී කුරුඳුගහහැතැප්ම පොලිසිය සඳහන් කරයි.

19 July 2026

වික්‍රමරත්න මහතාට පූර්ණ පොලිස් ගෞරව

හිටපු පොලිස්පති සි. ඩි. වික්‍රමරත්න මහතා වෙනුවෙන් පූර්ණ පොලිස් ගෞරවාචාර සහිතව අවසන් කටයුතු එළඹෙන 20 වැනි සඳුදා බොරැල්ල කනත්තේදී සිදු කරන බව පොලිස් මාධ්‍ය ප්‍රකාශක සහකාර පොලිස් අධිකාරී එෆ්. යු. වුට්ලර් මහතා පැවසීය.

18 July 2026

සී.ඩී. වික්‍රමරත්නට පොලිස් උත්තමාචාර නෑ?

සියදිවි නසා ගත් බවට සැක කරන හිටපු පොලිස්පති සී. ඩී. වික්‍රමරත්න මහතාගේ අවසන් කටයුතු සඳහා පොලිස් උත්තමාචාර හිමි නොවන බවට පොලිස් ආරංචි මාර්ග සඳහන් කරයි.

18 July 2026

හිටපු පොලිස්පති වික්‍රමරත්න වෙඩිවැදී මිය යයි

හිටපු පොලිස්පති සී.ඩී වික්‍රමරත්න මහතා ඔහුගේ නිවෙසේදී වෙඩි වැදී මිය ගොස් ඇතැයි පොලිසිය කියයි

17 July 2026

මෙරට පහෙන් එකක් බඩ ගින්නේ

තවමත් සෑම ශ්‍රී ලාංකිකයන් පස් දෙනෙකුගෙන් එක් අයෙකු දුප්පත්කමින් පීඩා විඳින බවත් මෙරට පවුල්වලින් තුනෙන් එකකට පෝෂ්‍යදායී ප්‍රමාණවත් ආහාර ලබා ගැනීමට නොහැකි වී තිබෙන බවත් ශ්‍රී ලංකාව සහ මාලදිවයින සඳහා ලෝක බැංකු කළමණාකාරු ගෙවෝර්ග් සාර්ගසියාන් මහතා පසුගියදා ප්‍රකාශ කළේය.

16 July 2026

සරුංගල් නූල් පැටලුණු පුහුණු ගුවන් යානය අනූ නවයෙන් බේරෙයි

රත්මලාන ගුවන් හමුදා කදවුරේ පුහුණුවීම්වල නිරතව තිබූ Y-12 වර්ගයේ ගුවන් යානයක සරුංගල් නූල් එතීම හේතුවෙන් එම ගුවන් යානය නැවත රත්මලාන ගුවන් තොටුපොළට අද ගොඩබැස්සවූ බව ගුවන් හමුදාව පවසයි.

15 July 2026

මධ්‍යම පළාත් ආණ්ඩුකාර ධූරයෙන් ඉල්ලා අස්වේ

මධ්‍යම පළාත් ආණ්ඩුකාර මහාචාර්ය සරත් අභයකෝන් මහතා සිය ධූරයෙන් ඉල්ලා අස්වීම සඳහා ජනාධිපතිවරයාට ලිපියක් යොමු කළ බව වාර්තාවේ.

15 July 2026

මධ්‍යම පළාත් දෙමළ ප්‍රශ්න පත්‍රයක් ගැනත් ගැටළුවක්

මධ්‍යම පළාතේ පාසල්වල 11 වැනි ශ්‍රේණිය සඳහා ලබා දී ඇති දෙමළ භාෂා ප්‍රශ්න පත්‍රය 2019 වසරේදී උතුරු පළාතේ පාසල් සඳහා ලබාදුන් ප්‍රශ්න පාත්‍රයේ පිටපතක් දැයි සෙවීමට මධ්‍යම පළාත් අධ්‍යාපන අධ්‍යක්ෂකවරියගේ මූලිකත්වයෙන් පරීක්‍ෂණයක් ආරම්භ කොට තිබේ.

15 July 2026

දෙමළ පක්ෂ හයක නායකයෝ පළාත් ඡන්දයට බලකරති

පළාත් සභා මැතිවරණය හැකි ඉක්මනින් පවත්වන ලෙස දෙමළ දේශපාලන පක්ෂ හයක නායකයෝ රජයෙන් ඉල්ලීමක් කරති.

14 July 2026

ට්‍රම්ප් සලිත කරමින් ’’ඩූම්ස් ඩේ’’ ටෙහෙරානයට

ඇමෙරිකානු ජනාධිපති ඩොනල්ඩ් ට්‍රම්ප් ’’එයාර් ෆෝස් වන්’’ ගුවන් යානය සමග තරඟ කිරීමට හැකියාව තිබෙන රුසියාවේ ’’ඩූම්ස් ඩේ’’ ගුවන් යානය ටෙහෙරානයේ ඉමාම් කොමේනි ජාත්‍යන්තර ගුවන්තොටුපළට ගොඩ බැස තිබෙන බව විදෙස් මාධ්‍ය අද (13) නිවේදනය කළේය.

13 July 2026

‘‘සේවා දිගුවට විනිසුරුවරු එකඟ නෑ‘‘

උපරිමාධීකරණ විනිසුරුවන්ගේ නිල කාලය වැඩි කරමින් විශ්‍රාම යාමේ වයස දීර්ඝ කිරීමට අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍යාංශය සහ රජය ඉදිරිපත් කෙරෙන යෝජනාවට එකඟ නොවීමට අධිකරණ සේවා සංගමයේ විශේෂ මහා සභා රැස්වීමේදී ඒකමතිකව තීරණය කළ බව එම සංගමයේ ලේකම් සුරංග මුණසිංහ මහතා සංගමයේ සියලු නියෝජිතයන් හට දැනුම් දී ඇත.

13 July 2026

හෝමුස් යළි වැසෙයි

නැවත දැනුම් දෙනතුරු හෝමුස් සමුද්‍ර සන්ධිය සම්පූර්ණයෙන්ම වසා දමා ඇතැයි ඉරාන ඉස්ලාමීය විප්ලවාදී ආරක්ෂක බළකාය ඊයේ (11) නිවේදනයක් නිකුත් කරමින් ප්‍රකාශ කළේය.

12 July 2026

භාණ්ඩාගාර හැකර් සිද්ධිය පාරිපාලනයේ දුර්වලකමක්

ඕස්ට්‍රේලියාවට ගෙවීමට තිබූ ඇමෙරිකානු ඩොලර් ලක්ෂ විසිපහක මුදලක් වංචනිකයන් පිරිසක් අතට පත්වීමේ සිද්ධිය හුදකලා අතපසුවීමක් නොව ආයතන කිහිපයක පාලන ක්‍රියාපටිපාටි සහ මෙහෙයුම්වල අසාර්ථකභාවයේ සමස්ත ප්‍රතිඵලයක් බව සිද්ධිය සම්බන්ධයෙන් විමර්ශන පැවැත්වූ රජයේ මුදල් පිළිබඳ පාර්ලිමේන්තු කාරක සභාවේ අවසන් වාර්තාවේ සඳහන්වේ.

10 July 2026

රන් ආලේපිත ගිනි අවියට දුමින්ද යළි සැකකරුවෙක් කරයි

රන් ආලේපිත ටී 56 ගිනි අවියක් සමග වයෝවෘද කන්තාවක අත්අඩංගුට ගැනීම සිද්ධියේ සිවුවන සැකකරු වන හිටපු අමාත්‍ය දුමින්ද දිසානායක සැකකරුවකු වශයෙන් නම් කිරීමෙන් අනතුරුව ලක්ෂ 50 බැගින් වූ ශරීර ඇප දෙකක් මත මුදා හරින්නැයි ගල්කිස්ස වැඩ බලන මහේස්ත්‍රාත් රවී මතුගම මහතා අද (10) නියෝග කළේය.

10 July 2026

රවී සෙනෙවිරත්න රිය අනතුරේ වරද පිළිගනී

මහජන ආරක්ෂක අමාත්‍යාංශ ලේකම් විශ්‍රාමික ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න මහතා 2023 වර්ෂයේ වැල්ලවත්ත මුහුදු මාර්ගයේදී අනතුරක් සිදු කිරීමේ සිද්ධියට අදාළ නඩුවේදී රිය අනතුරක් වළක්වා නොගැනීම යන චෝදනාව සම්බන්ධයෙන් වරද පිළි ගැනීමෙන් පසු රුපියල් දෙදහස් පන්සියයක දඩ මුදලක් ගෙවන ගල්කිස්ස මහේස්ත්‍රාත් කාංචනා නෙරංජලා සිල්වා මහත්මිය අද නියෝග කළාය.

09 July 2026

තනිව ජීවත් වූ අවුරුදු කුමාරිය අභිරහස් ලෙස මැරිලා

රත්නපුර ගොඩිගමුව ප්‍රදේශයේ නිවෙසක තනිව සිටි අවුරුදු කුමාරියක ද වූ තරුණියක ඇගේ නිවසේම සැක කටයුතු ලෙස මියගොස් සිටියදී සොයා ගත් බව රත්නපුර පොලිසිය පවසයි.

09 July 2026

බොර තෙල් මිල ඉහළට

හෝමුස් සමුද්‍ර සන්ධිය හරහා යාත්‍රා කළ වෙළෙඳ නෞකාවලට ඉරානය පහර දීමත් සමග, ඉරාන තෙල් අපනයනයට එරෙහිව පනවා තිබූ සම්බාධක නැවත ක්‍රියාත්මක කිරීමට ඇමෙරිකාව තීරණය කළේය. ඒ සමගම, ලෝක වෙළෙඳපොළේ බොරතෙල් මිල සියයට 5 කට වඩා වැඩි ප්‍රතිශතයකින් ක්ෂණිකව ඉහළ ගියේය.

08 July 2026