(සුජිත් හේවාජුලිගේ)
කාලගුණ ආපදාවෙන් පසු විදේශීය පරිත්යාගශීලීන්ගෙන් ලැබුණු පරිත්යාග අතර රුපියල් කෝටියකට අධික කල් පැනපු බාල බෙහෙත් (EXPIRED DRUGS) සහ විවිධ උපකරණ තිබී සොයාගෙන ඇතැයි සෞඛ්ය අමාත්යාංශය පවසයි.
මේවා පුත්තලම සිමෙන්ති කම්හලට යවා පිළිස්සීමට කටයුතු කරන බව සෞඛ්ය නියෝජ්ය අමාත්ය වෛද්ය හංසක විජේමුණි මහතා පැවසීය.
මෙම බෙහෙත් කල්පැනපු බාල ඒවා බව මූලික නිරීක්ෂණවලදී තහවුරු වීමෙන් පසු මෙසේ ඉවත් කෙරුණු බවද නියෝජ්ය අමාත්යවරයා කීවේය.
පරිත්යාග වශයෙන් ලැබෙන සියලුම බෙහෙත් වර්ග ශ්රී ලංකා වෛද්ය පර්යේෂණාගාරයට යවා පරීක්ෂා කෙරෙන බවත් ඒවා රෝහල්වලට යවන්නේ එම පරීක්ෂණවලින් පාවිච්චියට සුදුසු බවට තහවුරැ කර ගැනීමෙන් අනතුරුව බවත් අමාත්යාංශය පවසයි.
COMMENTS
මාලිමා ආන්ඩුව ආපු දවසේ ඉඳලාම මේ කල් ඉකුත්වූ ඖෂධ මාෆියාව ලංකාවේ ක්රියාත්මක වෙන්නේ. මේ විනාශ කරන්නේ ආධාර ලෙසින් ලැබුන බෙහෙත් යටිමඩි ගහලා කලින් ගෙනැවිත් තිබුන හොරට ආනයනය කරපු බෙහෙත් දැයි සොයා බලන්න වෙනවා. කලින් වතාවේ තිබුන ආන්ඩු වලට පවා මේ චෝදනා එල්ල උනා
අහන්න ලැබීම සතුටක්. මම දන්න විදියට, කලින් ඒ පරිත්යාග ඔක්කොම මුලින්ම ෆාමසිවලට ගියාට පස්සේ මිනිස්සුන්ට විකුණුවා. දැන් නම් පරීක්ෂා කරලා හොඳ නම් රෝහල්වලට යවනවා වගේ. වෙල්ඩන් රජය.
ජාත්යන්තරයේ බොහෝ රටවල් ආපදාවකදී අපට උදව් කරන්නේ බොහෝ සද්භාවයෙන්. ඒ අතරතුර මෙවැනි අඩුපාඩු සිදුවෙන්න පුළුවන්. ඒවත් විසඳා ඉවසාවෙන් දරාගෙන පරිත්යාගශීලින්ගේ සිත් රිදවන්නේ නැතුව අපගේ ප්රවේසම ගැන හිතා මෙවැනි කටයුතු කරන එක බොහෝ හොඳ බුද්ධිමත් ක්රියාවක්.
නියම අදහස තිබෙන සහ ගෙනා බාල බෙහෙත් , කල් පැනපුවා සියල්ලම එක ගොන්නට ගිනි , දැන් ? කීලීන් සිරි ලන්කා .අලුත් අදහස් පුනුරුදයට එකතු කරගන්න, ඕවා අපි ගිල්ලේ පරන කාලේ .