මනෝප්රිය ගුණසේකර
බාල බෙහෙත් සඳහා මුදල් ගෙවා ඇත්තේ රජයේ රෝහල්වල ප්රතිකාර ලබන රෝගීන්ට ඔක්සිජන් සැපයීම වෙනුවෙන් සෞඛ්ය අමාත්යාංශ වැය ශීර්ෂය යටතේ වෙන්කර තිබු මුදලින් බව අධිකරණයේදී හෙළි විය.
රෝගීන්ට සැපයීම සඳහා ඔක්සිජන් මිලදී ගැනීම වෙනුවෙන් රජයෙන් වෙන්කර තිබු රැපියල් කෝටි 15කට ආසන්න මුදලකින් බාල බෙහෙත් ගෙන්වීමට කටයුතු කර ඇත්තේ සෞඛ්ය ක්ෂේත්රය වෙනුවෙන් රජයට ප්රධානම ගණන් තැබීමේ නිලධාරි වශයෙන් කටයුතු කළ හිටපු සෞඛ්ය අමාත්ය කෙහෙළිය රඔුක්වැල්ල නමැත්තා බවද නීතිපතිවරයා අධිකරණයට හෙළි කළේය.
ප්රමිතියෙන් තොර ප්රතිදේහ එන්නත් ගැනීමෙන් රජයට රුපියල් කෝටි ගණනක මුදලක් වංචා කරන ලදැයි කියන සිද්ධියට අදාළ පැමිණිල්ල මාලිගාකනිද මහේස්ත්රාත් ලෝචනී අබේවික්රම වීරසිංහ මහත්මිය හමුවේ කැඳවූ අවස්ථාවේදී නීතිපතිවරයා වෙනුවෙන් පෙනී සිටි නියෝජ්ය සොලිසිටර් ජනරාල් ලක්මිණි ගිරිහාගම මහත්මිය ඒ බව දැනුම් දුන්නාය.
හිටපු සෞඛ්ය අමාත්ය කෙහෙළිය රඹුක්වැල්ල නමැත්තා ඇතුළු සිද්ධියට අදාළ සැකකරුවන් ලබන 29 වැනිදා තෙක් තවදුරටත් රිමාන්ඩ් භාරයේ රඳවා තැබීමට නියම කළ මහේස්ත්රාත්වරිය අමාත්ය කෙහෙළිය රඹුක්වැල්ල නමැත්තාගේ රෝගී තත්වයන්ට අදාළව බන්ධනාගාර රෝහලේ වෛද්යවරයාගේ රෝග නිශ්චිත වාර්තා අධිකරණයට අධිකරණයට බාර දෙන ලෙසද නියම කළාය.
ප්රමිතියෙන් තොර ප්රතිදේහ එන්නත් ගෙන්වා රජයේ රෝහල්වලට බෙදා හැරීම සම්බන්ධයෙන් සිය රැකියාව පවා උගසට තබමින් අල්ලස දූෂණය හා නාස්තියට එරෙහි පුරවැසි බලය සංවිධානය සහ සිවිල් සංවිධාන එකතුමුතුව’ සංවිධානයේ සභාපති කාමන්ත තූෂාර, වෛද්ය චමල් සංජීව මහතා ඇතුළු පිරිසක් රහස් පොලීසියට පැමිණිලි කළ අතර මෙම නඩුව අධිකරණයේ කැඳවනු ලැබූ අවස්ථාවේදී ඔවුහු අධිකරණයේ පෙනී සිටිමින් සිද්ධියට අදාළ විමර්ශන ගමන් කරන දිශානතිය නිරීක්ෂණය කළහ.
සිද්ධිය සම්බන්ධයෙන් කළ විමර්ශනවල ප්රගතිය දැක්වෙන වාර්තාවක් රහස් පොලීසියේ ප්රධාන පොලිස් පරීක්ෂක ජයන්ත පයාගල මහතා විසින් අධිකරණයට ඉදිරිපත් කරන ලදි.
නඩුව කැඳවනු ලැබූ අවස්ථාවේදී වැලිකඩ බන්ධනාගාර රෝහලේ වෛද්යවරයා විසින් නිකුත් කළ වාර්තාවක් අධිකරණයට ඉදිරිපත් කළ බන්ධනාගාර නිලධාරීන් හිටපු සෞඛ්ය අමාත්ය කෙහෙළිය රඹුක්වැල්ල මහතා අධිකරණයට ඉදිරිපත් කළ නොහැකි තත්වයේ රෝගී තත්වයක පසුවන බවත්, ඔහු ලබන 22 වැනිදා අධිකරණයට ඉදිරිපත් කිරීමේ හැකියාව ඇති බවත් දැනුම් දෙමින් වාර්තාවක් ඉදිරිපත් කළ අතර ඔහු නින්දේදී හුස්ම හිරවීමේ රෝගී තත්වයකින් පෙළෙන බව දනුම් දුන්හ.
හිටපු සෞඛ්ය අමාත්ය කෙහෙළිය රඹුක්වැල්ල නමැත්තා අත්අඩංගුවට ගැනීමට පෙර පසුගිය දෙසැම්බර් 26 වැනිදා ඔහු කළ ඉල්ලීමකට අනුව රහස් පොලිස් නිලධාරීහු ඔහුගේ නිවසටම ගොස් ඔහුගේ ප්රකාශ ගත් අවස්ථාවේදී ඔහු අමාත්ය මණ්ඩලයට ඉදිරිපත් කළ බව කියන කැබිනට් සංදේශ හතරක ඇති අත්අකුරු සහ පළමු සැකකරුට ගෙවිය යුතු ගෙවීම් නතර කළ පසු ඔහු විසින් රඹුක්වැල්ල නමැත්තාට තර්ජනය කරමින් එවූ බව කියන ලිපියේ ඇති අත්අකුරු සම්බන්ධයෙන් රජයේ සැකකටයුතු ලේඛන පරීක්ෂකවරයා ලවා පරීක්ෂා කිරීම සුදුසු බව පෙන්වා දෙමින් ලක්මිනි ගිරිහාගම මෙනවිය කළ ඉල්ලීමකට අවසර දුන් මහෙස්ත්රාත්වරිය සැකකාර කෙහෙළිය රඹුක්වැල්ල නමැත්තාගේ අත්අකුරු පරීක්ෂා කර වාර්තාවක් අධිකරණයට ඉදිරිපත් කිරීමට රජයේ සැකකටයුතු ලේඛන පරීක්ෂකවරයාට නියම කළාය.
සති තුනක කාලයක් තුළ රටේ සෞඛ්ය ක්ෂේත්රය කඩා වැටෙන බව පවසමින් ඒ වන විට රට තුළට ඖෂධ ගෙන ඒමට තිබූ දැඩි නීතීමය තත්වයන් ලිහිල් කිරීමට හිටපු සෞඛ්ය අමාත්යවරයා වශයෙන් 08 වැනි සැකකරු කටයුතු කළේ ඇයිද, ඔහු හදිසි ප්රසම්පාදන ක්රියාවලියකට ගියේ ඇයිද, යන්න සම්බන්ධයෙන් රහස් පොලීසිය විමර්ශන කරන බව අධිකරණයට දැනුම් දුන් ලක්මිණී ගිරිහාගම මෙණවිය මුල් ගොනු ලබාදෙන ලෙස අධිකරණය කළ නියෝග අනුව වෛද්ය සැපයුම් ඒකකයේ සහකාර අධ්යක්ෂ සමන් රත්නායක මහතා හමුවූ විට මුල් ගොනු වෙනුවට ඔහු ලබාදුන්නේ ඡායාස්ථ පිටපත් බවත්, එහි කිසිදු සටහනක් නැති බවත් දැනුම් දුන්නාය.
හදිසි ප්රසම්පාදන කටයුත්තක් ලෙස අදාළ ඖෂධ ලබා ගත් යුත්තේ ඇයිද යන කරුණට අදාළ කිසිදු තොරතුරක් එහි අඩංගු වී නැතැයිද, ඖෂධ ලැයිස්තු පිළිබඳ සත්ය, නිවැරදි ගොනුවක් සොයා ගැනීමට නැතැයිද කී ලක්මිණී ගිරිහාගම මෙණවිය මෙම ගොනුව ඖෂධ නිෂ්පාදන හා නියාමන අංශයේ අධ්යක්ෂ වෛද්ය සමන් රත්නායක ළඟ තිබිය යුතු වුවත් ඖෂධ ලැයිස්තු පිළිබඳ සත්ය, නිවැරදි ගොනුවක් සොයා ගැනීමට නැතැයිද කීවාය.
ජනාධිපතිවරණය සඳහා අපේක්ෂකයන් වැඩි වෙනවිට මැතිවරණය පැවැත්වීම සඳහා වෙන වියදම වැල් පොලී ක්රමයට ඉහළ යන බව “ඉරිදා ලංකාදීප”ය කළ විමසීමකදී මැතිවරණ කොමසාර
ඉදිරි ජනාධිපතිවරණය සම්බන්ධයෙන් සමගි ජන බලවේගය නියෝජනය කරන සියලුම පක්ෂ නායකයන්ගේ තීරණාත්මක හමුවක් ලබන බ්රහස්පතින්දා (1දා) පැවැත්වේ.
ජනධිපතිවරණයට අදාළ මැතිවරණ කාලයෙහි සිදුවන මැතිවරණ නීති උල්ලංඝනය කිරීම, ප්රචණ්ඩ ක්රියා පිළිබඳව පැමිණිලි කිරීම් හා තොරතුරු ලබා ගැනීමේ මැතිවරණ නිරීක
ලිපි බෙදන සේවකයන්ගේ හිඟය නිසා ජනාධිපතිවරණයට අදාළ ඡන්ද කාඩ්පත් නිවෙස්වලට බෙදාදෙන කාලයෙහිදී සාමාන්ය රාජකාරි නවතා දමා මැතිවරණයට අදාළ කටයුතු සිදුකරන
රාජ්ය අංශයේ සේවකයෙකුගේ වැටුපෙහි සත්ය අගය (මූර්ත) සියයට තිස් හයකින්ද, අවිධිමත් පෞද්ගලික අංශයේ සේවකයෙකුගේ වැටුපෙහි සත්ය අගය සියයට විස්සකින්ද 2020 - 2024 අත
පසුගිය 2023 වසරේ මුල් මාස දහයේදී මනුෂ්ය ඝාතන 488ක් වාර්තාවී ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන්වේ. මින් ඝාතන 52ක්ම සිදුවී ඇත්තේ වෙ
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
ඔක්සිජන් ගෙන්වන මුදලින් බාල බෙහෙත් ගෙන්වලා