(බිමල් ශ්‍යාමන් ජයසිංහ )
කළුතර, තිනියාවල පොලිස් නිලධාරීන්ට හක්කපටස් එකකින් පහර දී පළා යාමට තැත් කළ පුද්ගලයා අත්අඩංගුවට ගෙන ප්‍රශ්න කිරීමේදී සොරකම් දෙකක තොරතුරු අනාවරණ වූ බව තිනියාවල පොලිසිය කියයි .
එම සැකකරුගෙන් සිදු කළ ප්‍රශ්න කිරීමේදී සොරා ගත් වායු රයිපලයක් හා රුපියල් තිස් දහසකට ආසන්න මුදලක් සොයා ගැනීමට හැකි වූ බව පොලිසිය කියයි .
ඉකුත් මස 12 වෙනි දින තීනියාවල ගල් දෙනි ඇල්ල ප්‍රදේශයේ නිවසකින් රුපියල් දෙලක්ෂ අසූ දහසක මුදලක් සොරා ගැනීම සම්බන්ධ මෙම සැකකරු පිළිබඳ තීනියාවල පොලිසියේ ස්ථානාධිපති ප්‍රධාන පොලිස් පරීක්ෂක ප්‍රසන්න වැදිසිංහ මහතාට ලද තොරතුරක් අනුව සැකකරු අත්අඩංගුවට ගැනීමට යාමේදී හක්කපටස් එකකින් පහර දී පළා යාමට තැත් කිරීමේදී දැඩි පරිශ්‍රමයක් දරා සැකකරු අත්අඩංගුවට ගත් බව පොලිස් නිලධාරියෙක් පැවැසීය .
අනතුරුව සිදු කළ දීර්ඝ ප්‍රශ්න කිරීමේ දී ගල්දෙනි ඇල්ල ප්‍රදේශයේ ,වාඩියක තිබූ වායු රයිෆලයක් ඉකුත් මැයි මස සොරා ගෙන තිබුණේ මෙම සැකකරු බව ද වැඩිදුරටත් අනාවරණය වීමෙන් අනතුරුව එම වායු රයිෆලය ද සොයාගත් බව ස්ථානාධිපති ප්‍රසන්න වෙදසිංහ මහතා පැවසීය
