මාරාන්තික කොරෝනා වෛරසය පැතිර යෑම ආරම්භ වූ චීනයේ හුබෙයි පළාතේ වූහාන් නගරයෙන් මුදාගත් ශ්රී ලාංකිකයෝ පිරිස දියතලාව යුද හමුදා විද්යා පීඨයේ දී අද (4) 72 වැනි නිදහස් දිනය සැමරූහ.
චීනයේ වූහාන් නගරයේ සිර වී සිටි ශ්රී ලාංකිකයන් 33 දෙනා ඉකුත් දා ශ්රී ලංකන් එයාර්ලයින්ස් ගුවන් සේවයට අයත් යානයකින් මෙරටට රැගෙන එන ලදි.
නිරෝධායනය කිරීම සඳහා ඔවුන් දියතලාව යුද හමුදා විද්යා පීඨයේ ස්ථාපිත කරන ලද ‘නිරෝධායන මධ්යස්ථානය’ වෙත යොමු කළ අතර වෛද්ය ප්රතිකාර ලබමින් ඔවුහු එහි රැඳී සිටිති.
මේ කණ්ඩායමේ කිසිවකුත් කොරෝනා වයිරසයේ රෝග ලක්ෂණ පෙන්නුම් කර නැති බවත් ඔවුන් සියලු දෙනාම සෞඛ්ය සම්පන්නව සාමාන්ය පරිදි සිටින බවත් සෞඛ්ය අමාත්යාංශය ඉකුත් දා සඳහන් කළේය.
055
ඡායාරූප - ට්විටර් සමාජ ජාලයෙනි
