(අංජුල මහික වීරරත්න)
ඉන්දියාව මෙම දුෂ්කර පැයේ දී ලංකාව සමග සිටින බව ඉන්දීය අග්රාමාත්ය නරේන්ද්ර මෝදි මහතා එක්ස් සටහනක් තබමින් සඳහන් කරයි.
ඉන්දීය අග්රාමාත්ය නරේන්ද්ර මෝදි මහතා ශ්රී ලංකා ජනාධිපති අනුර දිසානායක මහතා සමඟ ඊයේ රාත්රියේ දුරකථන සංවාදයක නිරත වූ අතර මෙම එක්ස් සටහන තබා ඇත්තේ එම සංවාදයෙන් අනතුරුවයි.
මෝදි අග්රාමාත්යවරයා මෙසේද කියයි.
"ජනාධිපති දිසානායක මහතා සමඟ කතා කළ අතර ඛේදජනක ජීවිත හානි සහ දිට්වා සුළි කුණාටුවෙන් සිදු වූ පුළුල් විනාශය පිළිබඳව හෘදයාංගම ශෝකය පළ කළේය. සමීප සහ විශ්වාසවන්ත මිතුරකු ලෙස, ඉන්දියාව මෙම දුෂ්කර පැයේදී ශ්රී ලංකාව සහ එහි ජනතාව සමඟ ස්ථිරව සිටී. සහන සහ ගලවා ගැනීමේ කටයුතු සඳහා සාගර් බන්ධු මෙහෙයුම යටතේ ඉන්දියාව අවශ්ය සියලු සහයෝගය අඛණ්ඩව ලබා දෙන අතර පුනරුත්ථාපනය සහ ප්රතිසාධනය සිදු කරන විට ඉදිරි දිනවලදී ශ්රී ලංකාව සමඟ සිටිනු ඇත"
