( +++ සුජිත් හේවාජූලිගේ, ආරියරත්න රණබාහු සහ අංජුල මහීක වීරරත්න )

අටවැනි පාර්ලිමේන්තුවේ සිවුවැනි සභා වාරයේ අවසාන රැස්වීම අද (20) පැවැත්වේ.

පාර්ලිමේන්තුව ලබන මාර්තු මස 2 වැනිදා විසුරුවාහැරීමට නියමිතය.

මැති සබයේ අද පැවැත්වෙන්නේ ශ්‍රී ලන්කන් සමාගමේ ආන්දෝලානාත්මක එයාර් බස් ගනුදෙනුව පිළිබඳ විවාදයයි.

පාර්ලිමේන්තුව මේ සතියේ දින තුනක් රැස්කිරීමට පක්ෂ නායකයෝ ඉකුත්දා  තීරණය කළහ. මේ අනූව පාර්ලිමේන්තුව ඊයේත් (19) පෙරේදාත් (18) රැස්වූ අතර අද පැවැත්වෙන්නේ අවසාන රැස්වීමයි.

මහ බැංකු බැඳුම්කර සිද්දියට අදාළ වෝහාරික විගණන වාර්තාව පිළිබඳව විවාදය මැති සබයේදී ඊයේත් (19) පෙරේදාත් (18)  පැවැත්විණි. මෙම විවාදය සඳහා යෝජනාව ඉදිරිපත් කරනු ලැබුවේ කෝප් කමිටුවේ සභාපති ජවිපෙ පාර්ලිමේන්තු මන්ත්‍රී සුනිල් හඳුන්නෙත්ති මහතා විසිනි.