(ජේ.කේ.එල්. චාමින්ද)
 
වැලිසර නාවික කඳවුරේ  සිට නිවාඩු ලබා  නිවසට පැමිණ යළි සේවයට වාර්තා කර ඇති නාවික සෙබළියක් සමඟ සම්බන්ඳතා පැවැත්වු ඇයගේ පවුලේ  ඥාතින්  ඇතුළු 15 දෙනෙකු අද (27) ස්වයං නිරෝධායනයට ලක්කිරිමට සැලසුම් කර ඇති බැව් හිනිදුම පොලිසිය පවසයි.
 
මෙම නාවික සෙබළිය හිනිදුම තලන්ගල්ල ප්‍රදේශයේ පදිංචිකාරියකි.
 
ඇය වැලිසර නාවික කදවුරේ සේවය කරන අතර  ඇය නිවාඩු ලබා නිවසට පැමිණ මිට දින 10කට පෙර යළි සේවයට වාර්තාකර  ඇති බැව් පොලිසිය පවසයි.
 
ඇය  නිවසට පැමිණ ඇත්තේ ත්‍රි රෝද රථයකින් වන අතර එම ත්‍රිරෝද රථ රියදුරු හා  ඇයගේ පවුලේ ඥාතින්  මහජන සෞඛ්‍ය පරික්ෂකවරුන්ගේ අධික්ෂණය යටතේ ස්වයං නිරෝධායනයට ලක්කිරිමට සැලසුම් කොට ඇති බවද හිනිදුම පොලිසිය පවසයි.
 
මේ වනවිට නාවික සෙබළිය  ස්වයං නිරෝධායනයට ලක්වෙමින්  සිටින  බවද පොලිසිය පවසයි.