( ජේ.කේ.එල්. චාමින්ද)

ඇදිරිනිතිය හෙට දින (20) දින ඉවත් කිරිමෙන් පසු  රජය මගින්  ලබා දි ඇති උපදෙස් අනුව  නියමිත කාලසටහනකට අනුව  ශ්‍රි ලංගම බස්රථ  දකුණු පළාත තුළ ධාවනය කිරිමට  කටයුතු කරන බැව් ශ්‍රි ලංකා ගමනා ගමන මණ්ඩලයේ  රුහුණු  ප්‍රාදේශිකයේ ප්‍රධාන කළමණාකරු  ආර්.ඒ ප්‍රභාත් කුමාර  මහතා පවසයි.
 
 රුහුණු ප්‍රාදේශිකයට අයත් ඩිපෝ 11 තුළම හෙට දින ශ්‍රි ලංගම බස් රථ නියමිත කාලසටහනට  අනුව සේවා අවශ්‍යතා හා සේවකයින්ගේ පැමිණිම මත ධාවනය කිරිමට කටයුතු කරණ බවද  ප්‍රධාන  කළමණාකාරවරයා සදහන් කළේය.
 
සෞඛ්‍ය ආරක්ෂිත ක්‍රම අනුගමනය කරමින් දුරස්ථභාවය පවත්වාගෙන යමින් මගින් බස් රථවලට නංවා ගැනිමට කටයුතු කිරිමට බස්රථ රියදුරන්ට හා කොන්දොස්තර්වරුන්ට උපදෙස් ලබාදි ඇති බව පවසන රුහුණු  ප්‍රාදේශිකයේ ප්‍රධාන කළමණාකාරවරයා බස් රථයක ඇති ආසන සංඛ්‍යාවෙන්  සියයට 50කට පමණ  මගින් නංවා ගැනිමට  කටයුතු කරණ බවද පවසයි.
 
 මේ පිළිබද අදහස් දක්වමින් රුහුණු  ප්‍රාදේශිකයේ ප්‍රධාන කළමණාකරු  ආර්.ඒ ප්‍රභාත් කුමාර මහතා මෙසේද කිවේය.
දැනට  රුහුණු ප්‍රාදේශිකයට අයත් ඩිපෝ 11ක් ලංගම බස්රථ ධාවනය කරන්නේ දකුණු පළාත තුල පමණයි.
 
අන්තර් පළාත් ධාවන කටයුතු කරන්න තවම උපදෙස් ලබාදිලා නැහැ. රජයෙන් දැනුම් දුනහොත් අන්තර් පළාත් ධාවන කටයුතු කරන්න අපි සුදානමින් ඉන්නවා.
 
 බස් රථ ධාවනය කිරිමට පෙර ඩිපෝව තුලදි විෂබිර හරණයට ලක්කරනවා. බස් රථ රියදුරන්ට හා කොන්දොස්තර්වරුන්ට  මුඛ ආවරණ ලබාදිමට කටයුතු කරනවා. අද දින ඩිපෝ කළමණාකාරවරුන් සමග සාකච්ඡාවක් තියෙනවා යැයිද ආර්.ඒ ප්‍රභාත් කුමාර මහතා සදහන් කළේය.