(නිමල කොඩිතුවක්කු)
 
ලංකා විදුලිබල මණ්ඩලයේ විශේෂ විමර්ශන ඒකකය මගින් 2018 වසරේදී දිප ව්‍යාප්තව සිදුකළ වැටලීම් වලින්  විදුලි හොරු 2522 ක් නීතියේ රැහැනට  හසුකරගෙන රුපියල් කෝටි 13කට අධික ආදායමක් උපයාගෙන ඇත.

ඉන් කෝටි 12කට අධික මුදලක් ලංකා විදුලිබල මණ්ඩලයේ අලාභය ලෙසත්, රුපියල් කෝටියකට අධික මුදලක් උසාවි ගාස්තු වශයෙනුත් අයකරගෙන ඇත.

එම වැටලිම් වලින්  මීටර් වෙනස් කර විදුලිය ලබාගැනීමේ සම්බන්ධ සිද්ධීන් 2269 ක් ද, කොකු යොදා අනවසර ලෙස  විදුලිය ලබා ගැනීම සම්බන්ධ සිද්ධින් 253ක්ද  අනාවරණය වි තිබේ.

වංචනික විදුලිය පරිහරණය සම්බන්ධයෙන් යම් තොරතුරක් වෙතොත්  1901 සහ 1987 ක්ෂණික දුරකථන සේවා වලට හෝ 0112 422 259 යන දුරකථන අංකයට දැනුම් දෙන ලෙසට ලංකා විදුලිබල මණ්ඩලය ජනතාවගෙන් ඉල්ලීමක් කරයි.