කුෂාන් ජයවර්ධන

කැකිරාව පුබ්බෝගම ප්‍ර⁣දේශයේ පිහිටි ගොවි ජනතාවට වැඩිමිලට පොහොර අලෙවි කරන හා තහනම් ග්ලයිෆෝසේඩ් අලෙවි වෙලද සැලක් වටලීමට දඹුල්ල පොලිස් විශේෂ කාර්ය බළකාය හා අනුරාධපුර පාරිභෝගික සේවා අධිකාරිය මගින් අද (4) සවස කටයුතු කරනු ලැබීය.

එම වැටලිමේදී එම වෙළදසැලේ අලෙවියට තබා තිබූ තහනම් ග්ලයිෆොසෙඩ් පැකට් 360ක් පොලිස් විශේෂ කාර්ය බලකාය මගින් අත්අඩංගුවට ගෙන ඇත.

වැඩි මිලට අලෙවි කිරීමට තිබූ පොහොර තොගය එම අවස්ථාවේ පොහොර මිලදී ගැනීමට පැමිණ සිටි ගොවි ජනතාව වෙත රජයේ පාලන මිලට ලබා දීමට ද පාරිභෝගික සේවා අධීකාරියේ නිලධාරීහු පියවර ගත් අතර එම අවස්ථාවේ පොහොර මිළදී ගැනීමට පැමිණ ගොවීන් රැසක්ද එම ස්ථානයේ රැස්ව සිටියහ.

සිද්ධිය සම්බන්ධයෙන් වෙළදසැලේ හිමිකරු පොලිස් විශේෂ කාර්ය බළකාය මගින් අත්අඩංගුවට ගෙන ඇති.

සැකකරු ගල්කිරියාගම පොලිස් ස්ථානය වෙත භාරදීමට පොලිස් විශේෂ කාර්ය බලකායේ නිලධාරීහු පියවර ගනු ලැබූහ.