2025 අගෝස්තු මස 03 වන ඉරිදා
(පුෂ්පකුමාර මල්ලවආරච්චි)
ගතවූ මාසයක කාල සීමාවක් ඇතුළත දිවුලපිටිය ප්‍රාදේශීය සභාවේ පොදු ජන පෙරමුණේ මන්ත්‍රීවරුන් දෙදෙනෙකුට මැර ප්‍රහාර එල්ලවීම සම්බන්ධයෙන්, දිවුලපිටිය ප්‍රාදේශීය සභාවේ මන්ත්‍රී, හිටපු විපක්ෂ නායක හසිත විජේසිංහ මහතා ඇතුළු මන්ත්‍රීවරු එම සභාවේ අද(15) පැවති රැස්වීමේ දී විරෝධය පළ කළහ.
මැර ප්‍රහාරයන්ට ලක්ව ඇත්තේ ප්‍රාදේශීය සභා මන්ත්‍රී නිමල් කරුණාතිලක සහ අනුරුද්ධ සේනානායක යන මහත්වරුන්ය. ඉන්, අනුරුද්ධ සේනානායක මහතා කිහිලිකරු ආධාරයෙන් ගමන් ගන්නා අයෙකු බවද පැවසේ.
ප්‍රාදේශීය සභා මන්ත්‍රී නිමල් කරුණාතිලක මහතා නිවස බලා යමින් සිටියදී පසුගිය මස 14 වැනිදා බල්ලපාන ප්‍රදේශයේදී ප්‍රහාරයකට ලක්වීමෙන් කොළඹ ජාතික රෝහලට ඇතුළත් කෙරිණි. ඔහු ලුහු බැඳ ආ පිරිසක් පහර දී ඇති බවට තොරතුරු ලැබී තිබිණි. එහෙත් එම ප්‍රහාරයට සම්බන්ධවූවන් මෙතෙක් හඳුනාගැනීමට හැකි වී නැත.සේනානායක මහතා පෙරේදා 14 රාත්‍රියේ ප්‍රාදේශිය සභාව ඉදිරිපිටදී ම මැර ප්‍රහාරයකට ලක්ව දිවුලපිටිය රෝහලට ඇතුළත් කරනු ලැබීය. කැබ් රියකින් පැමිණි පිරිසක් මග හරස් කර මන්ත්‍රීවරයා ගමන් ගමන් කළ ත්‍රිරෝදය නවතා බිමට ඇද දමා පහරදී ඇතැයි හෙළීවී ඇත. තවත් මන්ත්‍රීවරයකුට ද පහර දෙන බව ප්‍රහාරකයන් ඒ අවස්ථාවේ ප්‍රකාශ කර ඇතැයිද මන්ත්‍රීවරු සඳහන් කළහ.
රැස්වීමට සහභාගී වූ හසිත විජේසිංහ මහතා විරෝධතා පුවරු ප්‍රදර්ශනය කරමින් අදහස් දක්වමින් මැර දේශපාලනයට සියලු දෙනා එක්වන්ව විරෝධය පළ කළ යුතු බවත්, ආබාධිත තත්ත්වයේ පසුවන මන්ත්‍රීවරයකුට පහරදීම ලජ්ජාවට කරුණක් බවත් පැවසීය. එමෙන්ම සියලුම මන්ත්‍රීවරුන්ගේ ආරක්ෂාව සැලසීම සභාපතිවරයාගේ වගකීමක් බවද මන්ත්‍රීවරයා අවධාරණය කළේය.
අගෝස්තු මාසයේ පැවති සභා රැස්වීමේ දී අදහස් දැක්වූ ප්‍රාදේශීය සභා මන්ත්‍රී අනුරුද්ධ සේනානායක මහතා සඳහන් කළේ මේ වනවිට ප්‍රාදේශීය සභා මන්ත්‍රීවරුන් නොසලකා හැර ඇති බවයි. තමන් ඉතා අවදානම් හා කනගාටුදායක තතත්වයක පසුවන බවද මන්ත්‍රීවරයා ඒ අවස්ථාවේදී පැවසීය.
මෙම ප්‍රහාරයන් එකම කල්ලික ක්‍රියාවන් බවට මෙහිදී අදහස් දැක්වූ මන්ත්‍රීවරු පැවසූහ. පළමු ප්‍රහාරයට ලක්වූ ප්‍රාදේශීය සභා මන්ත්‍රී නිමල් කරුණාතිලක (පො.ජ.පෙ.) මහතා පොලිසියට චෝදනා කරමින් මෙහිදී පැවසුවේ මෙතෙක් ඒ සම්බන්ධයෙන් නීතිය ක්‍රියාත්මක වී නැති බවයි. තවත් මන්ත්‍රීවරුන් හා සභාවේ සේවකයින් ද වරින්වර මැර ප්‍රහාරයන්ට ලක්වූ බවද මන්ත්‍රීවරුන්ගේ ආරක්ෂාව සැලසීමට පියවර ගන්නා ලෙසද නිමල් කරුණාතිලක මහතා මෙහිදී ඉල්ලා සිටියේය.
2025 ජුලි මස 28
178
0
දේශයේ රක්ෂකයා ශ‍්‍රී ලංකා ඉන්ෂුවරන්ස් ලයිෆ් (SLICLL) වසර ගණනාවක් පුරා රටේ අනාගත පරපුරේ අභිවෘද්ධියට විශාල වශයෙන් දායක වී ඇත. ශ‍්‍රී ලංකා ඉන්ෂුවරන්ස් ලයිෆ්
2025 ජුලි මස 24
327
0
මානසික සෞඛ්යය පිළිබඳව සහය සලසන මානසික සෞඛ්‍ය උපකාරක සේවා දුරකථන අංකය 1333 ගැන ජනතාව තුළ වැඩි දැනුවත් භාවයක් ඇති කිරීම වෙනුවෙන් ක්‍ක්‍ක්‍ පදනම (CCC Foundation) වි
2025 ජුලි මස 23
670
0
මාර්තු මාසයේ LEOS රියදුරු ලියාපදිංචිය සාර්ථකව දියත් කිරීමෙන් අනතුරුව, LEOS ආයතනය මෙම සතියේ LEOS කස්ටමෙර් app එක Android Play Store සහ Apple App Store යන දෙකෙහිම ලබා ගත හැකි පරිදි නිකු
මැර ප්‍රහාර ගැන දිවුලපිටිය ප්‍රා. සභාවේ විරෝධතා