(එෆ්.අස්ලම්)

බදුල්ල කයිලගොඩ ප්‍රදේශයේ දෙදරු මවක කෲර අන්දමින් කපා කොටා ඝාතනය කිරීමේ සිද්ධිය පිළිබද ලද තොරතුරු රාශියක් ඔස්සේ ක්‍රියාකාරී බුද්ධි ඒකක තුනක් ඇතුළු පොලිස් කණ්ඩායම් හතක් විමර්ශන සිදුකරමින් සිටින බව පොලීසිය සදහන් කරයි.
 
රවිඅන්දප්පර් ගෞරීදේවී නැමති 48හැවිරිදි දෙදරු මවක පසුගිය 25  වැනිදා  උදෑසන තියුණු ආයුධයකින් පහරදී කෲර අන්දමින් ඝාතනය කර තිබුණේ  ඇය පදිංචි දෙමහල් නිවස තුළදීය.
 
මෙම සිද්ධිය සම්බන්ධයෙන් විමර්ශන සිදුකරන පොලිසිය මේ වනවිට සැකකරන හෝඩුවාවන් රාශියක් මත විමර්ශන සිදුකරන  බවත්,  ලැබී ඇති තොරතුර මත ඉදිරි දින කිහිපය තුළ අපරාධකරුවන් අත්අඩංගුවට ගෙන අපරාධයේ සුළමුල හෙලිකරගත හැකි බව උසස් පොලිස් නිලධාරියෙක් සඳහන් කළේය.