(ක.ග.කරුණාරත්න)
 
නොකඩවා ඇද හැලෙන වර්ෂාව හේතුවෙන් පොළොන්නරුව පරාක‍්‍රම සමුද්‍රයේ ජලය පිටාර මට්ටමට පිරීම නිසා එහි වාන් 10න් වාන් දොරටු 06ක් අඩි 01 බැගින් විවෘත කළ බව වාරිමාර්ග දෙපාර්තමේන්තුව කියයි.
 
මේ වනවිට එහි ජල මට්ටම අක්කර අඩි 1,10,000 ඉක්මවා තිබෙන බව පරාක‍්‍රම සමුද්‍රය වාරිමාර්ග ඉංජිනේරු අසේල උදයංග මහතා අද(05) ප‍්‍රකාශ කලේය.
 
තවදුරටත් වර්ෂාව නොකඩවා පැවැතුණහොත් වාන් දොරටු වැඩි ප‍්‍රමාණයක් විවෘත කර අතිරික්ත ජලය පිටතට මුදාහැරීමට කිරීමට සිදුවනු ඇතැයිද ඒ මහතා කීය.
 
දැනට එම විවෘතකර තිබෙන වාන් දොරටු හයෙන් තත්පරයකට ඝන අඩි 840ක ජල කඳක් පිටතට යැවෙන  බවද ඔහු කීය.