පෙණහළු බද්ධ කිරීම  ඉදිරියේදී  ශ්‍රී ලංකාවේදී  ඇරැඹිමට   කටයුතු යොදා  ඇති බව සෞඛ්‍ය පෝෂණ හා දේශිය වෛද්‍ය අමාත්‍ය රාජිත සේනාරත්න මහතා පවසයි.

එමෙන්ම හෘදයවස්තු බද්ධ කිරීම් දෙකක් මේ වන විට සාර්ථකව සිදු කර ඇති අතර ,  තුන්වැනි බද්ධ කිරීම ඉදිරියේ දී සිදු කිරීමට ද නියමිත බව අමාත්‍යවරයා පැවසීය.

සෞඛ්‍ය සේවකයින් 2150 කට පත්වීම් ලිපි ප්‍රදානය කිරීම  උත්සවයේදී අමාත්‍යවරයා මේ බව සඳහන් කළේය.

ඒ අනුව විශේෂ ශ්‍රේණිය වෛද්‍ය රසායානාගාර කාර්මික විද්‍යාඥ 13 ක්, වෛද්‍ය රසායනාගාර කාර්මික විද්‍යාඥ 116 ක්, ඖෂධවේදී 176 ක්, විකිරණ ශිල්පී 41 ක්, විද්‍යුත් නිකර්පන රේඛන සටහන්කරු 09 ක්, මහජන සෞඛ්‍ය රසායනාගාර ශිල්පී 10 ක්, දන්ත චිකිත්සක 03 ක්, සිසු පවුල් සෞඛ්‍ය සේවා නිලධාරී 845 ක්, වෛද්‍ය සැපයීම් සහකාර 53 ක්, නිවාස භාරකාරීනී/භාරකරු 131 ක්, ආහාර නිරීක්ෂිකා 54 ක්, ෆෝක් ලිෆ්ට් 07 ක්, උපස්ථායක (පුහුණුව සදහා) 692 වශයෙන් 2150 කට පත්වීම් ලබා දීම මෙහිදී සිදු කෙරිණි. 

(36698)