ඩි.ජි.සුගතපාල

වැලිසර නාවික හමුදා කඳවුරේදි කොරෝනා ආසාදිතවි ඇති පෝද්දල නරාවල සෙබලාගේ දරුවා සහ බිරිඳගේ පියා පි.සි.ආර්.පරික්ෂණ සඳහා අද (03) දහවල් කරාපිටිය රෝහල වෙත රැගෙන යන බව පෝද්දල සෞඛ්‍ය වෛද්‍ය නිලධාරි කාර්යාලය පවසයි.

මෙම සෙබලාගේ බිරිඳ ඊයේ කරාපිටිය රෝහලේදි පි.සී.ආර්.පරික්ෂණයට යොමුකල බවත් ඇයට කොරෝනා ආසාදනයවි නැති බවත් සෞඛ්‍ය වෛද්‍ය නිලධාරි කාර්යාලය පවසයි.

මෙම සෙබලා පසුගිය 21වනදින නිවාඩුවට පැමිණ සිටියදි කරාපිටිය රෝහලේදි පි.සි.ආර්.පරික්ෂණයට යොමුකර ඇති අතර එහිදි ඔහුට කොරෝනා ආසාදනයවි නැති බවට අනාවරණයවි ඇත.

මේ අතර නිවාඩුගොස් සිටින සෙබළුන්ට නැවත කඳවුරට වාර්තා කරන ලෙස කරන ලද දැනුවිම අනුව ඔහුද 28වනදින කඳවුරට ගොස් තිබේ.එසේ ගොස් සිටියදි කොරෝනා ආසාදනයවි ඇත.

ඒ අනුව මේ වනවිට ඔහු පදිංචි නරාවල නිවස අසල නිවාස අටක සාමාජිකයින් නිරොධායනට යොමු කර ඇත.

පවුලේ සාමාජිකයින්ද මෙසේ පි.සි.ආර්.පරික්ෂණ සඳහා ගෙනයන බවද සෞඛ්‍ය වෛද්‍ය නිලධාරි කාර්යාලය පවසයි.