(ක්‍රිෂාන් ජීවක ජයරුක්)
 
නිල්වලා ගඟේ පාවෙමින් තිබූ පුද්ගලයෙකුගේ මළ සිරුරක් අද(15) සොයා ගත් බව මාතර මූලස්ථාන පොලීසිය පවසයි.
 
මිය ගොස් ඇත්තේ කවුරුන් ද යන්න මේ වන තෙක් අනාවරණය වී නොමැත.
 
අවුරුදු 60ක් පමණ වයසැති, තලෙලු, කොණ්ඩය තැනින් තැන සුදු පැහැ වී ඇති එම පුද්ගලයා කළු පැහැති කලිසමක් සහ ඉරි සහිත අත් කොට කමිසයක් අවසන් වශයෙන් ඇඳ සිට ඇත.
 
එම පුද්ගලයාගේ කලිසම් සාක්කුවේ මුදල් පසුමිබියක තිබී රුපියල් 1350ක් හා එච්.එල්.සී.එම්.සෝමලත් යන නමින් වරිපනම් ගෙවන ලද රිසිට් පතක් පොලීසියට හමු වී ඇත.
 
මාතර දිස්ත්‍රික්ආපදා කළමණාකරන මධ්‍යස්ථානයේ නිලධාරීහු බෝට්ටුවක් උපයෝගී කර ගෙන සිරුර ගොඩට ගත්හ.
 
මාතර නාගරික හදිසි මරණ පරීක්ෂක ටී. එම්. ලලිත් ද සිල්වා මහතා සිරුර වැඩිදුර පරීක්ෂණ සදහා මාතර මහ රෝහලේ මෘත ශරීරාගාරයට රැගෙන යන ලෙස පොලීසියට නියෝග කළේය.
 
මිය ගිය තැනැත්තා හඳුනාගැනීමට සහය වන්නැයි පොලිසිය ඉල්ලා සිටී.