(  සිතුම් චතුරංග)

කොරෝනා ව්‍යාප්තවීමත් සමඟ කොළඹ කෙසෙල්වත්ත , බණ්ඩාරනායක මාවතේ සිට යාපනය යුද හමුදා නිරෝධායන මධ්‍යස්ථාන වෙත යොමුකළ 378 පිරිසක් නිරෝධායනය අවසන්වීමෙන් අනතුරුව අද(09) නිවෙස්වෙත පිටවගිය බව යාපනය ආරක්ෂක සේනා මූලස්ථානය පවසයි.

යාපනය විදට්ටපලෙයි නිරෝධායන මධ්‍යස්ථානයේ හා යාපනය 55 වන සේනාංකයටඅයත්  කිලිනොච්චිය අයියකච්චි යුද හමුදා කඳවුරේ සාර්ථකව නිරෝධායනය අවසන් කළ පිරිස් එළෙස පිටවගිය බව පැවසීය
 

විදට්ටපලෙයි නිරෝධායන මධ්‍යස්ථානයේ 298 පිරිසක් ද ,  අයියකච්චි යුද හමුදා කඳවුරුතුල නිරෝධායනයවූ 80 පිරිසක්ද නිරෝධායනය අවසන්කොට පිටව යන අතර ඔවුන්ගෙන් පිරිමි පුද්ගලයින් 188 හා කාන්තාවන් හා කුඩාදරුවන් 190 වන බවද පැවසීය.

කොවිඩ් - 19 ආසාධිත පුද්ගලයින් හමුවීමත් කෙසෙල්වත්ත, බණ්ඩාරනායක මාවතේ පදිංචිව සිටි මෙම පිරිස  ඇතුළු තවත් පිරිසක්  පසුගිය 22 වැනිදා උතුරේ යුද හමුදා කඳවුරුවෙත නිරෝධායනය සඳහා යොමුකෙරිණි.
 

යාපනය ආරක්ෂක සේනා ආඥාපති මේජර් ජෙනරාල් රුවන් වනිගසූරිය මහතාගේ අධීක්ෂණය යටතේ දින 17 කාලයක් මෙම නිරෝධායනයවූ අතර ඔවුන් හට පී.සී.ආර් ජෛවසාම්පල පරීක්ෂණයද සිදුකොට තිබූ අතර එම පරීක්ෂණවලින් නිරෝධායනය අවසන්කොට පිටවයන මෙම පිරිසට කොවිඩ් - 19 වෛරසය අසාදනය නොවී ඇති බවට තහවුරුවී ඇති බව යාපනය ආරක්ෂක සේනා මූලස්ථානය වැඩිදුරටත් පැවසීය.නිරෝධායනය අවසන් කළ පිරිස් විසින් හමුදාවට ස්තූතිය පලකරමින් නිර්මාණය කළ සිතුවම් කිහිපයක්ද යුද හමුදාව වෙත ප්‍රදානය කෙරුණු අතර සිතුවම් ප්‍රදර්ශනයක්ද විදට්ටපලෙයි නිරෝධායන මධ්‍යස්ථානයේ පැවැත්විණි.
 
නිරෝධායනය අවසන්කළ පිරිස් වෙත නිරෝධායනය අවසන්කළ සහතිකපත් ප්‍රධානය කිරීම සඳහා යාපනය ආරක්ෂක සේනා අඥාපති මේජර් ජෙනරාල් රුවන් වනිගසූරිය , 55 වන සේනාංකාධිපති මේජර් ජෙනරාල් සම්පත් යන මහත්වරුන්ගේ ප්‍රධානත්වයෙන් සිදුකෙරිණි.