( ශාන්ත චන්ද්‍රසිරි)

සෞඛ්‍ය ආරක්ෂිත ක්‍රමවේදයන් නිසි ලෙස අනුගමනය නොකර විවෘත කර තිබු තලවකැලේ නගරයේ සියළුම ආපනශාලා අද (13) සිට වසා දැමීමට පියවර ගත්බව තලවකැලේ- ලිඳුල නගර සභාවේ සභාපති ඒ. අශෝක සේපාල මහතා කීය.

සෞඛ්‍ය අංශ විසින් ලබාදී ඇති සෞඛ්‍ය උපදෙස් අනුගමනය කරමින් ආපනශාලා ඇතුලට ජනතාව නොගෙන ඔවුන් ඉල්ලන ඇණවුම් ආරක්ෂිත ක්‍රමවේදයන් අනුගමනය කරමින් නිසි පරිදි සකස් කර පිටතට ගෙනවිත් ලබාදීමට පියවර ගෙන ඇති ආපනශාලා හැර අනෙකුත් ආපනශාලා මෙසේ වසා දැමීමට පියවර ගෙන ඇති බවද ඒ මහතා පැවැසීය.

කොවිඩ් 19 වෛරසය පැතිරීයාම පාලනය කිරීම සඳහා රජයේ සෞඛ්‍ය අංශ හා පළාත් පාලන දෙපාර්තුමේන්තුව විසින් ලබාදී ඇති උපදෙස් අනුව මෙම පියවර ගෙන ඇති බවද සේපාල මහතා වැඩිදුරටත් කීය.