(ප්‍රසාද් මුතුකුඩ)
 
තාරකා ඉබ්බන් 304 දෙනෙකු රෙජිපෝම් පෙට්ටි තුළ  බහා  නීතිවිරෝධි ලෙස මැලේසියාවට  යැවීම  සඳහා  කටුනායක ගුවන්තොටුපළට  පැමිණි  කුඩා ලොරි රථයක්  සමඟ  සැකකරුවන් දෙදෙනෙකු ගුවන්තොටුපළ පොලීසිය  අද (30)  අත්අඩංගුවට ගනු ලැබීය.

අත්අඩංගුවට ගත් සැකකරුවෝ රඹුක්කන ප්‍රදේශයේ පදිංචිකරුවෝ වෙති. 

සැක සහිත  පෙට්ටි තොගයක්  පටවාගෙන රථයක්  පැමිණ ඇති බවට  ලද  බුද්ධි තොරතුරකට අනුව වහා ක්‍රියාත්මක වු  නිලධාරින්   ගුවන්තොටුපළ ගුවන් භාණ්ඩ ගම්මානයට ඇතුල් වන ප්‍රධාන  දොරටුව අසලදී  රථය අත්අඩංගුවට  ගනු ලැබු බව පොලීසිය කියයි. 

අගල් 15 x20   ප්‍රමාණයේ  රෙජිපෝම් පෙට්ටි  20 තුළ පොලිතීන් වලින්  ඔතා මෙම සතුන් 20 කට වැඩි දෙනෙකු  දමා තිබියදී සොයාගෙන ඇත.