(ඩී.ජී.සුගතපාල)
 
ගාල්ල වක්වැල්ල පාරේ කැකිරිබොක්ක වෙළඳ සංකිර්ණයේ අද (04) රාත්‍රී 9.00 ට පමණ ඇතිවු ගින්නකින් වෙළඳ සැල් නවයකට හානි සිදුව ඇතැයි ගාල්ල පොලිසිය පවසයි.
 
ගාල්ල පොලිසිය ඉදිරිපිට මෙම කැකිරිබොක්ක වෙළඳ සංකිර්ණය පිහිටා ඇති අතර  ගාල්ල නගර සභාවේ ගිනි නිවිම් ඒකකයේ  ගිනි නිවිම් රථ තුනක් පැමිණ පොලිසිය හා ප්‍රදේශවාසින්ද සමඟ එක්ව ගින්න නිවා දැමීමට පියවර ගෙන තිබේ.
 
ගින්න හට ගන්නා අවස්ථාවේ වෙළඳසල් බොහොමයක් වසා තිබු අතර සමහර වෙළඳසල්වල දොරවල් කඩා එම වෙළඳ සැල්වලට ගින්න පැතිරයාම වැළැක්වීමටද පියවර ගැනීමට සිදුවිය.
 
මෙම ගිනි ගැනීමෙන් කිසිවෙකුටත් අනතුරක් සිදුවී නොමැති බව පොලිසිය පවසයි.
 
සුනාමියෙන් වෙළඳසල් අහිමිවු වෙළඳුන් සඳහා මෙම වෙළඳසල් ඉදිකරදී තිබූ අතර ගින්නට හේතුව මෙතෙක් අනාවරණයවී නොමැති බව ගාල්ල පොලිසිය කියයි.