2025 ජුලි මස 28 වන සඳුදා
(අජිත්ලාල් ශාන්තඋදය සහ දාපනේ ජයන්ත නානායක්කාර)
තම තමන්ගේ ආත්ම ලාභය වෙනුවෙන් රටේ ස්වභාවික සම්පත් විනාශ කරන, ආත්මාර්ථකාමී දේශපාලූවන්ට, ව්‍යාපාරිකයන්ට, කල්ලාරු විනාශකළ රිෂාඞ් බදියුදීන් නම් දේශපාලකායට දුන් තීන්දුව අතිශයින් වැදගත් යැයි දක්‍ෂණ ලංකාවේ ප‍්‍රධාන සංඝනායක ආචාර්ය ඕමල්පේ සෝභිත හිමියෝ අද (17) පැවසූහ.
ඇඹිලිපිටියේ දී පැවති මාධ්‍ය හමුවකදී උන්වහන්සේ මේ බව පැවසූහ. එහිදී අදහස් දැක්වූ ආචාර්ය ඕමල්පේ සෝභිත හිමියෝ මෙසේද සඳහන් කළහ.
"කල්ලාරු රක්‍ෂිතයේ අක්කර සිය ගණනක් විනාශ කිරීම සම්බන්‍ධයෙන් රිෂාඞ් බදියුදීන් නැමැති හිටපු ඇමතිවරයාට, වත්මන් පාර්ලිමේන්තු මන්ත‍්‍රීවරයාට, දේශපාලනඥයාට එරෙහිව අභියාචනාධිකරණය විශේෂ තීන්දුවක් දීලා තියනවා. ඒ නඩු තීන්දුව අපි අතිශයින් අගයකොට සලකනවා. මේ රටේ ස්වභාවිත සම්පත් තමන්ගේ ආත්ම ලාභය වෙනුවෙන් විනාශ කරන ආත්මාර්ථකාමී දේශපාලනඥයන් ඇතුලූ ව්‍යාපාරිකයන්ට එරෙහිව දෙන ලද ඒ තීන්දුව ඓතිහාසිකයි. අතිශයින් වැදගත්.
එසේ විනාශ කරන ලද අක්කර සිය ගණන තමන්ගේ මුදලින් යළි රෝපණය කරන ලෙස ද ඔහුට අධිකරණය නියෝග කර තිබෙනවා. ඔහුම එම විනාශ කළ කැලෑව ඔහුගේ වියදමින් නැවත වගා කරන්නැයි අභියාචනාධිකරණය නියම කරලා තියනවා. එය අතිශයින්ම වැදගත් නඩු තීන්දුවක්. දීග නිකායේ කූඨ දන්ත සූත‍්‍රය එම නඩු තීන්දුවට යොදාගෙන තිබෙනවා.
රටේ සෞභාග්‍යයට හේතුවෙනවා යැයි යම් යම් ගුප්තවිද්‍යාධාරීන්, ගුප්තවිද්‍යා විශේෂඥයින් සත්ව බිළිපූජා පවත්වන්න කියලා උපදෙස් රජුන්ට දෙනවා. බුදුරජාණන් වහන්සේ එය ප‍්‍රතික්‍ෂෙප කළා. ඒ වගේම ඒ සත්ව බිලිපූජා පවත්වනවිට විශාල ගස්කොළන් ප‍්‍රමාණයක් කපන්නත් සිද්ධ වෙනවා. ඒකට කියන්නේ යූපස්ථම්භ ඉදිකිරිම සඳහා කියලා. ඒ කියන්නේ යාගයට අවශ්‍ය මඩු ආදිය ඉදිකිරිමට විශාල කැලෑවක් කැපෙනවා. ඒක තමයි ඒ යුගයේ පැවති චාරිත‍්‍රය. අදත් මේ වගේ චාරිත‍්‍ර ලෝකයේ පවතිනවා. මිත්‍යා විශ්වාස පදනම් කරගෙන් සත්ව බිලිපූජා, කැලෑ කැපීම් ආදි මිත්‍යා චාරිත‍්‍ර බුදුරජනාණන් වහන්සේ කූඨදන්ත සූත‍්‍රයෙන් ප‍්‍රතික්‍ෂෙප කරනවා.
මෙම ඉතිහාසගත නඩු තීන්දුව ප‍්‍රකාශයට පත් කිරීමේදී කූඨදන්ත සුත‍්‍රයද පාදක කරගැනීම සම්බන්‍ධයෙන් අභියාචනාධිකරණ විනිසුරු මඩුල්ලටම අපි කෘතවේදිත්වය පුදකරනවා. අපි ගන්නා තීන්දුව අපේ ආගමට කොයිතරම් එකඟවේද යන්න නොව තීරණය කළයුත්තේ එම තීරණය සමස්ථ ජනතාවට කොයි ආකාරයට බලපාවිද, සංවේදී වේවිද යන්නයි.
දේශපාලනඥයෙක් වුනත් විද්‍යාඥයෙකු වූ තිස්ස විතාරණ මහතා පසුගියදා කියලා තිබුණා කොරෝනා සම්බන්‍ධයෙන් බුද්ධිමත් තීරණ නොගත්තොත් එය පැතිර යනු ඇතැයි කියලා. ඒ නිසා අපි රජයට කියනවා කොරෝනා වෛරසයට මුහුණ දීමේ ක‍්‍රමය දේශපාලනයට පදනම්ව නෙමෙයි කළ යුත්තේ ජනතාවගේ සෞඛ්යය ආරක්‍ෂාව සැලකිල්ලට ගෙනයි. එපමණක් නෙමෙයි, අනාගත පරපුරට එයින් ඇතිවිය හැකි අනතුර වළක්වාලන විදියට.
දේශපානඥයින් වැඩිපුර ක‍්‍රියා කරන්නේ බලය ලබාගැනීමට සහ ලබාගත් බලය තහවුරු කර ගැනීමටයි.
ඒ නිසා එකිනෙකා සතුටු කරවන තින්දු තීරණ වලටයි ඔවුන් යොමු වෙන්නේ. අද අපි මේ විදින්නේ දේශපාලනඥයින් රට ගැන නොසිතා ඡන්ද ගැන සිතා තීන්දු තීරණ ගැනීමේ ප‍්‍රතිඵලයි. ඒ නිසා අපි මේ වෙලාවේ කියනවා මේක ඡුන්ද දිනාගන්න වෙලාවක්වත්, එකඑක්කෙනාට වරප‍්‍රසාද දීලා සිත් දිනාගන්න වෙලාවක්වත් නෙවෙයි. ඡුන්දය එකතු කරන්න වෙලාවක් නෙමෙයි. දේශපාලන නායකත්වය හැම දෙනාම එකට එකතුවෙලා කොරෝනා සතුරාට එරෙහිව අනාගත පරපුර ගැන සිතා කටයුතු කිරිමයි කළ යුත්තේ.
'දීඝං පස්ස මාරස්සං' දුරදිග බලා කටයුතු කරන්න කියන බුද්ධ දර්ශනය පෙන්වා දෙනවා. මෑතකදී ලැබෙන ලාභය ගැන නෙවෙයි ඈතදී ලැබෙන නුවන වෙනුවෙන් කාගේත් යහපත වෙනුවෙන් ක‍්‍රියා කරන්න. යම් වරදක් මේ කොරෝනා වෛරසය සම්බන්‍ධයෙන් අනුගමනය වුනොත්, යම් ආසාදිත තතත්වයක් වඩා වර්ධනය වුනොත්, එය බුදුරජාණන් වහන්සේගේ ශ‍්‍රාවකයො කියලවත්, අල්ලා දෙවියන්ගේ ශ‍්‍රාවකයෝ කියලවත්, එහෙම නැත්නම් මහ බලවත් බ‍්‍රහ්මයාගේ හෝ වෙනත් දෙවියන් වහන්සේ කෙනෙකුගේ ශ‍්‍රාවකයන් කියලා කිසිදු භේදයක් නෑ, එහි විපාක වි`දින්න සියලූම දෙනාට සිද්ධ වෙනවා" යැයිද සෝභිත හිමියෝ කීහ.
2025 ජුලි මස 24
145
0
මානසික සෞඛ්යය පිළිබඳව සහය සලසන මානසික සෞඛ්‍ය උපකාරක සේවා දුරකථන අංකය 1333 ගැන ජනතාව තුළ වැඩි දැනුවත් භාවයක් ඇති කිරීම වෙනුවෙන් ක්‍ක්‍ක්‍ පදනම (CCC Foundation) වි
2025 ජුලි මස 23
433
0
මාර්තු මාසයේ LEOS රියදුරු ලියාපදිංචිය සාර්ථකව දියත් කිරීමෙන් අනතුරුව, LEOS ආයතනය මෙම සතියේ LEOS කස්ටමෙර් app එක Android Play Store සහ Apple App Store යන දෙකෙහිම ලබා ගත හැකි පරිදි නිකු
2025 ජුලි මස 23
65
0
ශ‍්‍රී ලංකා ඉන්ෂුවරන්ස් ලයිෆ් - සුබ පැතුම් ශිෂ්‍යත්ව ප‍්‍රදානෝත්සවය අද, ජුලි 23 වන දින කොළඹ 07, බණ්ඩාරනායක අනුස්මරණ ජාත්‍යන්තර සම්මන්ත‍්‍රණ ශාලාවේ (BMICH) ප
කල්ලාරු නඩු තීන්දුව ආත්මාර්ථකාමී දේශපාලුවන්ට මරු පහරක්