( නයෝමි දිල්රුක්ෂි )
 
අධික වැසි සමඟ කෑගල්ල අත්තනගොඩ මාර්ගයේ කරඬුපොන වත්තට අයත් ලිස්සන ගල් කන්දේ  විශාල ගල් කොටස් කිහිපයක් මාර්ගයට පෙරැලී තිබීම නිසා ගමනාගමනය අවහිර වී තිබේ.
 
විශාල ගල් කොටස් කිහිපයක් මාර්ගය පුරා කඩා වැටීම නිසා ඵම ස්ථානයේ සිට අත්තනගොඩ ප්‍රදේශයේ ජනතාවට  විකල්ප මාර්ග භාවිතා කිරීමට සිදුවිය.
 
ඊයේ (11) සවස මෙම සිදුවීම වූ බව ගැමියෝ කියති.
 
ප්‍රදේශවාසින්  රියදුරන් ඵක්ව ගල් කොටස් කිහිපයක් ඉවත් කිරිම නිසා යතුරුපැදි සහ ත්‍රිරෝද රථ ගමනාගමනයට අවස්ථාව සලසාගත් නමුත් මගී ප්‍රවාහන බස් රථය අනෙකුත් වාහන ගමනාගමනයට නොහැකි වී  ඇති අයුරු අද උදෑසනද දැකිය හැකි විය.
 
මේ පිලිබදව අද(12) උදැසන අපකල විමසීමකදි කෑගල්ල ආපදා කලමනාකරණ සහකාර අධ්‍යක්ෂක අනුෂ්ක චමිල මහතා පවසා සිටියේ කෑගල්ල දිස්ත්‍රික් ලේකමි මහින්ද ඵස් විරසුරිය මහතාගේ උපදෙස් පරිදි කඩිනමින්  මෙම ගල් කොටස් ඉවත් කර ගමනාගමනයට ඇතිව තිබෙන බාධා ඉවත් කිරීමට අවශ්‍යය කටයුතු කඩිනමින්  සිදුකරන බවයි.