2025 දෙසැම්බර් මස 31 වන බදාදා
(රවින්ද්ර ප්රභාත් නෙත්තසිංහ)
නිකවැරටිය ප්රදේශයේ ජාතික පශු සම්පත් මණ්ඩලයට අයත් භූමියක අනවසරයෙන් පස් කැපීමේ ජාවාරමක් වටලා ටිපර් රථ රියදුරන් 18 දෙනෙකු අත්අඩංගුවට ගැනීමට භූ විද්යා සමීක්ෂණ හා පතල් කාර්යංශය සහ පොලිස් විශේෂ කාර්ය බලකාය අද(04) සමත්වූහ.
එහිදී අනවසරෙන් පස් ප්රවාහනයේ යෙදුණු ටිපර් රථ 18ක් සහ පස් කැපීමට යොදාගත් ස්කැවේටර් යන්ත්රයක් ද පොලිස් විශේෂ කාර්ය බලකාය සිය බාරයට ගත්තේය.
ජාතික පශු සම්පත් මණ්ඩලය විසින් එම ඉඩමේ ගොඩගසා තිබූ පස් කියුබ් දහසක් පමණ එම ස්ථානයෙන් ඉවත් කිරීමට ටෙන්ඩරයක් ලබාදී ඇති නමුත් එම ස්ථානයේ පස් කැපීමට අදාල පුද්ගලයින් සතුව කිසිම වලංගු බලපත්රයක් නොතිබූ බව භූ විද්යා සමීක්ෂණ හා පතල් කාර්යංශයේ ප්රධාන වැටලීම් නිලධාරී බුද්ධික ශිල්පරත්න මහතා පැවසීය.
මේ වනවිට එම ස්ථානයේ තිබෙන වැවකින් පස් කියුබ් 3000කට අධික ප්රමාණයක් ඉවත් කර ඇති අතර එම පස් දිවයිනේ නොයෙකුත් ප්රදේශ වලට ප්රවාහනය කර තිබෙන්නේ කිසිදු බලපත්රයක් නොමැතිව බව එම කාර්යංශය කියයි. අදාල ඉඩමේ සිට මහා මාර්ගයට අවතීර්ණ වන ස්ථානයේම නිකවැරටිය පොලිසිය විසින් යොදවා ඇති මාර්ග බාධකයක්ද තිබියදී බලපත්ර නොමැතිව මෙසේ පස් ප්රවාහනය කිරීම ගැටලු සහගත තත්වයක් බවද වැටලීම් නිලධාරීහු කියති.
තවද මෙම ටිපර් රථ රියදුරන් තම රථවල මාර්ග සංවර්ධන අධිකාරියේ නාමපුවරු යොදාගෙන පස් ප්රවාහනය කරන ආකාරය ද දක්නට ලැබිණ.
2025 දෙසැම්බර් මස 30
109
0
ප්රමුඛතම දේශීය මූල්ය සේවා ආයතනයක් වන සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 61 වැනි ශාඛාව නිකවැරටිය නගරයේදී පසුගි
2025 දෙසැම්බර් මස 18
740
2
ශ්රී ලංකාවේ අංක 1 සන්නිවේදන සම්පාදකයා වන ඩයලොග් ආසිආටා පීඑල්සී, මෙරට ඩිජිටල් තාක්ෂණික ගමන්මගේ සුවිශේෂී සන්ධිස්ථානයක් සනිටුහන් කරමින්, 5G යුගයක් සඳහා
2025 දෙසැම්බර් මස 16
367
0
සියපත ෆිනෑන්ස් පීඑල්සී සිය දීපව්යාප්ත ශාඛා ජාලය තවදුරටත් පුළුල් කරමින් 60 වැනි ශාඛාව කෑගල්ල දිස්ත්රික්කයට අයත් වරකාපොළ නගරයේ විවෘත කොට ඇත.
අනවසරෙන් පස්කැපූ ටිපර් රථ රියැදුරන් 18 ක් අත්අඩංගුවට