(කුෂාන් ජයවරධන)
 
ඉපලෝගම පුලියන්කුලම වගා බිමක අනවසරෙන් ඉදිකළ විදුලි වැටක පැටලී මොණරෙකු මියයාමේ සිද්ධියක් සම්බන්ධයෙන් වගා බිමේ හිමිකරුට රුපියල් 10,000 ක දඩයක් කැකිරාව දිසා විනිසුරු නිලන්ත විමරත්න මහතා අද (27) නියම කළේය.
 
විදුලි වැටේ විදුලි පරිපථය රාජසන්තක කිරීමටද කැකිරාව දිසා විනිසුරුවරයා නියෝග කළේය.
 
මෙසේ දඩ නියම වුයේ ඉපලෝගම පුංචිකුලම ප්‍රදේශයේ පදිංචි පුද්ගලයෙකුටය.
 
වගා බිමේ හිමිකරු අත්අඩංගුවට ගෙන කැකිරාව දිසා මහේස්ත්‍රාත් අධිකරණය වෙත ඉදිරිපත් කිරීමෙන් පසු මෙම දඩ මුදල නියම කෙරිණි.
 
අනුරාධපුර වනජීවි සහකාර අධ්‍යක්ෂ ඩබ්ලිව්.ඒ.ඒස් වේරගම මහතා සහ කැකිරාව ගනේවල්පොල වනජීවී කාර්යාලයේ නිලධාරීන් පිරිසක් වගා බිමේ හිමිකරු අත්අඩංගුවට ගෙන අධිකරණයට ඉදිරිපත් කළහ.