2021 නොවැම්බර් මස 28 වන ඉරිදා
ඩයනා ගමගේ එජාප වව්නියාව ආසන සංවිධායක ධූරයට
(නිමල කොඩිතුවක්කු)
සමාජ ක‍්‍රියාකාරිනියක, දේශපාලන ක‍්‍රියාධාරිනියක හා කලා සංවිධාන කිහිපයක සභාපතිනියක වන ඩයනා ගමගේ මහත්මිය එක්සත් ජාතික පක්ෂයේ වව්නියා දිස්ත‍්‍රික්කයේ ආසන සංවිධායක ධූරයට පත් කර ඇත.
මෙයට අදාළ පත්වීම එක්සත් ජාතික පක්ෂයේ නායක අග‍්‍රාමාත්‍ය රනිල් වික‍්‍රමසිංහ මහතා විසින් කොළඹ අරලියගහ මන්දිරයේදී ඇය වෙත පිළිගැනවනු ලැබීය.
ඩයනා ගමගේ මහත්මිය දෙමළ භාෂාව මනාව හසුරුවන්නියක් වන අතර උතුරේ දරුවන්ගේ සුබ සාධනමය කටයුතු උදෙසා වන සංවිධාන ගණනාවක මූලික කාර්යයන් ද ඇය විසින් ඉටුකරනු ලබයි.
එක්සත් ජාතික පක්ෂයේ වනිතා සංවිධානයේ සභාපතිවරිය වන ඇය එංගලන්තයේ ලන්ඩන් මෙට්‍රොපොලිටන් විශ්ව විද්‍යාලයෙන් නීතිවේදී උපාධිය ලබා , නොර්ත් හැම්ටන් විශ්ව විද්‍යලයෙන් පශ්චාත් කළමනාකරණ උපාධිය හිමිකර ගෙන ඇත.
වව්නියා දිස්ත‍්‍රික්කයේ ජනතාවට අවශ්‍ය පහසුකම් සලසමින් එම දිස්ත‍්‍රික්කයේ එක්සත් ජාතික පක්ෂයේ ජයග‍්‍රහණය කරා මෙහෙයවන බව පත්වීම ලැබීමෙන් පසුව ඇය සඳහන් කළාය.
යුද්ධයෙන් පසුව උතුරු පළාතේ ජනතාවගේ ගැටළු හඳුනා ගනිමින් එම ප‍්‍රදේශය සංවර්ධනය කරමින් ජනතාවගේ ආර්ථික සමාජීය තත්ත්වය වර්ධනය කිරීමට කටයුතු කරන බවත් ඩයනා ගමගේ මහත්මිය පැවසුවාය.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
