(බිමල් ශ්‍යාමන් ජයසිංහ)

පානදුර  හොරණ මාර්ගයේ එලුවිල හන්දියේ දී සුඛෝපභෝගී මෝටර් රථයක ගැටීමෙන් වයෝවෘද්ධ පුද්ගලයෙක් මිය ගොස් ඇති බව  පානදුර දකුණ පොලිසිය කියයි. 

එම පුද්ගලයාගේ ගැටීමෙන් අනතුරුව මෝටර් රථය අසල කුකුළු මස් වෙළඳසැල කඩා වැදී තිබූ බව පොලිසිය සඳහන් කරයි 

අනතුරින් මියගොස් ඇත්තේ  පානදුර සිල්වා මාවතේ පදිංචිව සිටි වි එස්. විල්සන් නැමැති  81  හැවිරිදි  සිව් දරු පියෙකි.

අනතුර සිදු කළ මෝටර් රථ රියදුරු සහ ඔහුගේ බිරිඳ පොලිසිය මගින් අත්අඩංගුවට ගෙන ඇත 

එකම පවුලේ මව පියා සහ දියණිය පානදුර සිට බණ්ඩාරගම දෙසට ධාවනය වෙමින් තිබූ මෝටර් රථයේ  ගමන් කර ඇති අතර පියා විසින් අනතුර වන අවස්ථාවේදී මෝටර් රථය පදවා ඇති බවට පොලිසිය කියයි 

පානදුර හොරණ මාර්ගයේ වම් මංතීරුවේ මගීන්ට ගමන් ගැනීම සඳහා  වෙන්කල තීරුවේ මියගිය පුද්ගලයා ගමන් කර ඇති අතර මෝටර් රථයේ ගැටීමෙන් එම පුද්ගලයා මීටර් දහයක් පමණ ඉදිරියට විසිවී ගොස් අසල කානුවට වැටී  ඇති බව  පොලිස්  නිලධාරියකු පැවැසීය.

අත්අඩංගුවට ගත් සැකකාර රියදුරුට  රියදුරු බලපත්‍රයක් නොමැති බවට  වැඩිදුරටත්  අනාවරණය වූ බවත්,එවන් පුද්ගලයකුට මෝටර් රථයක් පැදවීමට ලබාදීම සම්බන්ධයෙන් මෝටර් රථයෙන් රථ රථයෙන් ලියාපදිංචි අයිතිකාරිය වූ ඔහුගේ බිරිඳ අත්අඩංගුවට ගත් බව පොලිස් නිළධාරියෙකු පැවසීය  

අනතුරෙන් කුකුල් මස් අලෙවිසැලට සහ මෝටර් රථයකට රථයට බරපතල අලාභ සිදු වී ඇත 

අත්අඩංගුවට ගත් රියදුරු  සහ ඔහුගේ බිරිඳ  පානදුර  මහේස්ත්‍රාත් අධිකරණය වෙත ඉදිරිපත් කිරීමට නියමිතය