(අනීෂා මානගේ)
වීරකැටිය පුහුල්හේන මාර්ගය ප්රතිසංස්කරණය කිරීමට වීරකැටිය ප්රාදේශීය සභාවෙන් අනුමැතිය ලබා නොදෙන බව කියමින් එයට විරෝධය දක්වා ගම්වාසීහු පිරිසක් අද (04) බෙලිඅත්ත - වීරකැටිය ප්රධාන මාර්ගය සම්පූර්ණයෙන් අවහිර කරමින් විරෝධතාවක නිරත වූහ.
බෙලිඅත්ත - වීරකැටිය ප්රධාන මාර්ගය දකුණු මුල්කිරිගල ප්රදේශයේදී සම්පූර්ණයෙන් අවහිර කළ විරෝධතාකරුවෝ සටන් පාඨ කියමින් විරෝධතා පුවරු අතැතිව විරෝධතාවයේ නිරත වූහ.
වීරකැටිය දකුණු මුල්කිරිගල පුහුල්හේන හරහා කඩවල ගම්මානය දක්වා වැටී ඇති කිලෝමීටර හතරක පමණ දිගින් යුතු මාර්ගය ප්රතිසංස්කරණය කිරීමට දකුණු පළාත් ධීවර අමාත්ය එච්.ඩබ්ලිව් ගුණසේන මහතා විසින් රුපියල් ලක්ෂ දහයක මුදලක් වීරකැටිය ප්රාදේශීය සභාවට ලබා දී ඇතැයි විරෝධතාකරුවෝ පැවසූහ.
එම මුදලින් පුහුල්හේන මාර්ගය ප්රතිසංස්කරණය කිරීම සඳහා වීරකැටිය ප්රාදේශීය සභාවේ සභාපතිවරයා අනුමැතිය ලබා නොදෙන බව ගම්වාසීහු කියති.
ගම්වාසීන් පවසනුයේ වසර විස්සක පමණ කාලයක සිට මුල්කිරිගල පුහුල්හේන මාර්ගය ප්රතිසංස්කරණය කිරීමට කිසිවෙකුත් ක්රියා කර නොමැති බවයි. මාර්ගය ඉතා අබලන් තත්ත්වයේ පැවැතීම නිසා එහි පයින් ගමන් කිරීමද අපහසු වී ඇතැයි ඔවුහු පැවසූහ
විරෝධතාව පැවැති ස්ථානයට දකුණු පළාත් සභා අමාත්ය එච්.ඩබ්ලිව් ගුණසේන මහතාද පැමිණ සිටියේය. පුහුල්හේන මාර්ගයේ ගමන් කිරීම අපහසු බැවින් එය ප්රතිසංස්කරණය කර දෙන ලෙස ගම්වාසීන් තමාගෙන් ඉල්ලීමක් කළ බවද මේ හේතුවෙන් තම අමාත්යංශය හරහා දැනට දින පහළොවකට පමණ ඉහතදී රුපියල් ලක්ෂ දහයක් වෙන් කළද එයට වීරකැටිය ප්රාදේශීය සභාවේ අනුමැතිය ලබා දී නොමැති බව අමාත්යවරයාගෙන් කළ විමසීමේදී ඔහු කීවේය.
වීරකැටිය ප්රාදේශීය සභාවේ සභාපති පියසේන ලියනාරච්චි මහතාගෙන් කළ විමසීමේදී ඔහු පැවසූයේ,
පළාත් නිශ්චිත සහ උපමාන බාධක යටතේ වීරකැටිය ප්රාදේශීය සභාවට මුදල් ලැබී තිබෙනවා පළාත් සභාවෙන්. ඒ මුදල් අපි යොදවන්න ඕනෑ වීරකැටිය ප්රාදේශීය සභාවේ මන්ත්රීවරුන්ගේ යෝජනා අනුව ඒවායින් වඩාත් වැදගත් යෝජනාවලට ප්රමුඛස්ථානය ලබා දීමෙනුයි. මේ ලබා දුන්නායැයි කියන මුදලින් එක් මාර්ගයක් ප්රතිසංස්කරණය කරන්න නම් කර එවා තිබෙනවා. නමුත් ඒ විදියට සභාවට නම් කර මුදල් එවන්න බැහැ. එය නීත්යානූකූල නැහැ. සභාවට එවන සෑම මුදලක්ම මහ සභාවේදී මම ඉදිරිපත් කළ යුතුයි. ඉන් අනතුරුවයි අත්යවශ්ය යෝජනා අනුව ඒ මුදල් වෙන් කිරීම සිදුකරන්නේ.



2025 නොවැම්බර් මස 21
179
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
246
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1123
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
පාරක් හදන්නැයි වීරකැටියේ ගැමියෝ පාරට බසිති