IMG-LOGO

2025 ජුලි මස 19 වන සෙනසුරාදා


ගාල්ලේ සේවකයන් පිරිසක් විරෝධතාවක

 (කරාපිටිය - ජී.ඩබ්ලිව්.කේ.ප්‍රේමතිලක ද සිල්වා)

ගාල්ලේ කරාපිටියේ ඉදිවෙන මාතෘ රෝහලේ සේවයේ යොදවා සිටි ශ්‍රම සැපයුම් ආයතන දෙකකට අයත් කම්කරුවන් (මෑන් පවර් සේවකයන් ) පිරිසක් තමන් අසාධාරණ ලෙස සේවයෙන් ඉවත්කර බව පවසමින් අද (08) දහවල් එම වැඩබිම ඉදිරිපිට විරෝධතාවක නිරත වූහ.

මේ  හේතුවෙන් මාතෘ රෝහලේ වැඩබිමට අවශ්‍ය සැපයුම් ද්‍රව්‍ය කොන්ක්‍රීට් යනාදිය රැගෙන ආ වාහනද වැඩබිම තුලට ඇතුළුවීමට නොහැකිව එහි වැඩ කටයුතු අකර්මන්‍ය විය.

මේ අවස්ථාවේදී ඉදිකිරීම් භාර සෙනොක් සමාගමේ පරිපාලන සාමාන්‍යාධිකාරි ලංකා කොඩිප්පිලි මහතා සහ පෝද්දල පොලිසියේ නිලධාරිහු සේවක උද්ඝෝෂණය පවතින ස්ථානයට පැමිණ ඔවුන් සමග සාකච්ඡා කළහ. මෙහිදී මෙම කරුණ පිළිබඳව කම්කරු දෙපාර්තමේන්තුවට සහ පොලීසියට පැමිණිලි කර විසඳුමක් ලබාගන්නා ලෙස උද්ඝෝෂකයන්ට දැන්වීමෙන් පසු ඔවුහු විසිර ගියහ.

මේ සම්බන්ධයෙන් සෙනොක් සාමාන්‍යාධිකාරි ලංකා කොඩිප්පිලි මහතාද මාධ්‍යයට අදහස් දැක්වීය. දෛනික වැටුප ලෙස එම ආයතනයට එක සේවකයෙක් වෙනුවෙන් සෙනොක් ආයතනය රුපියල් 2500/- 2700/- ක් ගෙවා තිබේ. නමුත් එම ආයතන මෙම එක් සේවකයෙකුට ගෙවා ඇත්තේ රුපියල් 1100/- ක් පමන බව දැනගන්නට ලැබිණි. සේවක අර්ථ සාධක අරමුදල් පවා ගෙවා නොමැති බවද වාර්තා වේ.

මේ පිරිස ගේට්ටු වසාගෙන උද්ඝෝෂණය කරන නිසා තමන් අපහසුතාවයට පත්වී තිබෙන බවත්,  ඉදිකිරීම්වලට අවශ්‍ය කොන්ක්‍රීට් ආදිය ඇතුලට ගන්න නොහැකි වූ බවත් මෙන්ම  මේ අයගේ ප්‍රශ්නය තමන්ට ප්‍රශ්නයක් නොවන බවත් කොඩිප්පිලි මහතා වැඩිදුරටත් පැවැසීය.



අදහස් (0)

ගාල්ලේ සේවකයන් පිරිසක් විරෝධතාවක

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site