2021 ඔක්තෝබර් මස 16 වන සෙනසුරාදා
‘සයුරළ‘ නෞකාවට විශේෂ ඇගයුමක්‘
පකිස්ථානයේ කරච්චිහිදි පවත්වන ලද අමාන් (2019) නාවික අභ්‍යාසයට සමගාමීව පැවැත්වුණු ජාත්‍යන්තර ආහාර ප්‍රදර්ශනයේදී සඳහා ශ්‍රී ලංකා නාවික සයුරළ නෞකාව විශේෂ ඇගයුමකට ලක් වී තිබේ.
ඒ අනුව, ජාත්‍යන්තර ආහාර දැක්ම සඳහා ආහාර කුටියක් නිර්මාණය කිරීමට සයුරළ නෞකා නැව් මුළුව කටයුතු සූදානම් කර තිබු අතර ඒ සඳහා රටවල් රැසක් සහභාගි වී සිටියහ.
ඒ අතරින් වඩාත් කැපී පෙනෙන ආහාර කුටිය නිර්මාණය කිරීමට ශ්‍රී ලංකා නාවික නෞකා සයුරළ නෞකාව සමත් වි තිබේ.
එම ආහාර කූටිය සඳහා ශ්‍රී ලංකාට ආවේණිකවූ ආහාර කිහිපයක් සකස් කර තිබූ අතර, එය ආහාර ප්‍රදර්ශනය නැරඹිමට පැමිණි සියලු දෙනාගේ විශේෂ ඇගයුමකට ලක්විය.
එහි ප්‍රධාන ආරාධිත අමුත්තා වශයෙන් පැමිණි පකිස්ථානු නාවික හමුදාධිපති, අද්මිරාල් ෂාෆාර් මහමුද් අබ්බාසි මහතා ඇතුළු දෙරටේ ආරක්ෂක නිලධාරිහු ශ්‍රී ලාංකික දේශීය ආහාර රස බැලීමට ද එක් වූහ.
මෙම ආහාර ප්‍රදර්ශණය නැරඹිම සඳහා ශ්‍රී ලංකා නාවික හමුදාව නියෝජනය කරමින් ශ්‍රී ලංකා නාවික හමුදා මාණ්ඩලික ප්‍රධානී, රියර් අද්මිරාල් ජගත් රණසිංහ මහතා, නාවික අණභාර නිලධාරි (වැලිසර) සහ ශ්‍රී ලංකා නාවික නෞකා ගැමුණු ආයතනයේ අණදෙන නිලධාරි, කොමදෝරු බන්දුල සේනාරත්න මහතා ඇතුළු ජ්‍යේෂ්ඨ නිලධාරින් පිරිසක් සහභාගිවි සිටියහ.
(36698)
(ඡායාරූප නාවික හමුදා මාධ්‍ය අංශය )
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
