(අනීෂා මානගේ)

මෙවර පළාත්පාලන මැතිවරණයට එක්සත් ජනතා නිදහස් සන්ධානයෙන් හම්බන්තොට දිස්ත්‍රීක්කය සඳහා තේරී පත්වූ මන්ත්‍රීවරුන් හා මන්ත්‍රීවරියන් 29 දෙනෙකු අද (25) සාමවිනිසුරු එස්.කේ.පී.ඉන්ද්‍රසේන මහතා ඉදිරියේ ධීවර හා ජලජ සම්පත් අමාත්‍ය මහින්ද අමරවීර මහතාගේ නිවසේ දී දිවුරුම් දෙනු ලැබීය.

හම්බන්තොට මහ නගර සභාව, තංගල්ල නගර සභාව, අගුණුකොළපැලැස්ස, බෙලිඅත්ත, අම්බලන්තොට, තංගල්ල, හම්බන්තොට, තිස්සමහාරාම, ලුණුගම්වෙහෙර, වීරකැටිය, සූරියවැව හා කටුවන යන ප්‍රාදේශීය සභා සඳහා තේරී පත්වූ මන්ත්‍රීවරු මෙලෙස දිවුරුම් දුන්හ.  

හම්බන්තොට මහනගර සභාවේ හිටපු නගරාධිපති එරාජ් රවින්ද්‍ර මහතා, තංගල්ල ප්‍රාදේශීය සභාවේ හිටපු උප සභාපති නිලවීර පටබැදිගේ අරුණ කුමාර සදසිරි මහතාද මෙවර මැතිවරණයෙන් කොට්ඨාසය ජයග්‍රහණය කර ඇති මන්ත්‍රීවරුන් වේ.