(දයාරත්න ඇඹෝගම)


ගංජා සන්තකයේ තබාගත් පුද්ගලයෙකු අත්අඩංගුවට ගන්න ගිය සුරාබදු නිලධාරින් පිරිසකට පහරදුන් බව කියන පුද්ගලයන් තිදෙනෙකු අත්අඩංගුවට ගත්බව පරසන්ගස්වැව පොලිසිය කියයි.

මෙසේ අත්අඩංගුවට ගෙන ඇත්තේ පරසන්ගස්වැව පොලිස් වසමේ කොක්පැටියාවේ පදිංචි 23,24 හා 69 හැවිරිදි වියේ පසුවන පුද්ගලයන් තිදෙනෙකි.

ඔවුන් සන්තකයේ තිබි ගංජා මිලිග්‍රැම් 1100 ක්ද පොලිසිය සිය බාරයට ගෙන තිබේ.

සුරාබදු දෙපාර්තමේන්තුවේ කැබිතිගොල්ලෑව කාර්යාලයේ නිලධාරින් පිරිසක් ගංජා ජාවාරමක නිරතවන පුද්ගලයෙකු අත්අඩංගුවට ගැනිමට කොක්පැටියාව ප්‍රදේශයට පැමිණ සැකකරු අත්අඩංගුවට ගැනිමට තැත්කළ අවස්ථාවේදි අවට සිටි පිරිසක් මෙම සුරාබදු නිලධාරින්ට පොලු,මුගුරැ වලින් පහරදි ඇතැයි පොලිසිය කියයි.

මෙම පහරදිම නිසා සුරාබදු පරික්ෂකවරයෙකු හා නියාමකවරයෙකු තුවාල ලබා කැබිතිගොල්ලෑව රෝහලට ඇතුලත් කොට තිබේ.

අත්අඩංගුවට ගනුලැබු සැකකරැවන් තිදෙනා අද(09)දින අධිකරණයට ඉදිරිපත් කිරිමට නියමිතව තිබුණි.

සිද්ධිය සම්බන්ධයෙන් පරසන්ගස්වැව පොලිසියේ ස්ථානාධිපති ප්‍රධාන පොලිස් පරික්ෂක  ජී.එල්.සි.සිරිකාන්ත මහතා ඇතුළු පොලිස් නිලධාරිහු පිරිසක් වැඩිදුර පරික්ෂණ පවත්වති.