(පුෂ්පකුමාර මල්ලවආරච්චි)
 
දිවුලපිටිය ඩිපෝවේ සේවයේ නියුතු කොන්දොස්තරවරයකුට අද(19) හිටපු ඩිපෝ අධිකාරීවරයකු ඇතුළු දෙදෙනෙකු පහර දී ඇති බවද, තුවාල ලැබූ කොන්දොස්තරවරයා දිවුලපිටිය රෝහලට ඇතුළත් කළ බවද පොලිසිය කියයි.
 
තුවාල ලබා ඇත්තේ වෑකඩ ප්‍රදේශයේ පදිංචිකරුවකු වන  දෙදරු පියෙකි.
 
කොන්දොස්තරවරයා අද උදෑසන සේවයට ගිය අවස්ථාවේදී මෙම පිරිස ඔහුට පහරදී ඇත. සිද්ධිය සැලවීමෙන් පසුව කොන්දොස්තරවරයාගේ ඥාතීන් පැමිණ ඔහු රෝහල් ගත කිරීමට පියවර ගෙන තිබිණි.
 
තුවාලකරු දිවුලපිටිය දිසා රෝහලට ඇතුළත් කිරීමෙන් පසු වැඩිදුර ප්‍රතිකාර සඳහා ගම්පහ රෝහලට මාරු කර යවා ඇති බවද,  ඔහුගේ තත්තවය  බරපතල නොවන බවද රෝහල් ප්‍රකාශකයෙක් පැවසීය.
 
සැකකරුවන් අත්අඩංගුවට ගැනීමට පරීක්ෂණ පවත්වන  බව දිවුලපිටිය පොලිසිය කියයි.