(අතුල බණ්ඩාර)

තන්තිරිමලේ මහ සියඹලාගස්වැව ප්‍රදේශයේදී අද (02) වල් අලියෙකු පහරදීමෙන් 47 හැවිරිදි  පුද්ගලයෙකු මරණයට පත්වී ඇතැයි තන්තිරිමලේ පොලිසිය පැවසීය.

 ආර්.එම්. ගාමිණී දිසානායක නැමැති මියගිය මේ පුද්ගලයා මහ සියඹලාගස්වැව ප්‍රදේශයේම පදිංචිකරුවෙකි.

ඔහු අද(02) පෙරවරුවේ මහ සියඹලාගස්වැව ට යාබද හල්මිල්ලකුලම ප්‍රදේශයේ පදිංචිව සිටි සිය ඥාතියෙකුගේ අවමගුලකට සහභාගිවීම සඳහා බිරිඳ හා දරු දෙදෙනා සමග අතුරු මාර්ගයක යන අතරතුරදී මහ සියඹලාගස්වැව සුසාන භූමිය අසලදී ඔවුන් ඉදිරියට කඩාවැදුණු වල්  අලියෙකු ඔහුට පහරදී තිබෙන බව තන්තිරිමලේ පොලිසිය සිදුකළ මූලික විමර්ශන වලදී අනාවරණය වී තිබේ.

මේ අවස්ථාවේ ඔහුගේ බිරිඳ ,දරු දෙදෙනා සමග දිව ගොස් සැඟවී දිවි බේරාගෙන තිබෙන බව පොලිස් පරීක්ෂණ වලදී අනාවරණය වී ඇත.

තන්තිරිමලේ පොලිසියේ ස්ථානාධිපති පොලිස් පරීක්ෂක නිලංග ප්‍රනාන්දු මහතාගේ මෙහෙයවීමෙන් පරීක්ෂණ සිදු කරයි