IMG-LOGO

2025 සැප්තැම්බර් මස 16 වන අඟහරුවාදා


රත්නපුර දිස්ත්‍රික්කයේ උපකාරක පන්ති තාවකාලිකව නවත්වයි

(අජිත්ලාල් ශාන්තඋදය සහ ලසන්ත නිරෝෂණ)
 
පැතිර යන කෝවිඩ් 19 වයිරසය අවදානම හමුවේ සෞඛ්‍යාරක්‍ෂාව තහවුරු කිරිම පිණිස රත්නපුර දිස්ත්‍රික්කයේ සියලුම උපකාරක පන්ති නැවැත්වීමට  රත්නපුර දිස්ත්‍රික් කොරෝනා වෛරස් මර්දන කාර්යය කාධක බලකා කමිටුව තීරණය කර තිබේ.
 
සබරගමු පළාත් ආණ්ඩුකාර ටිකිරි කොබ්බෑකඩුව සහ රත්නපුර දිස්ත්‍රික් ලේකම් මාලනී ලොකුපෝතාගම යන මහත්ම මහත්මීන්ගේ ප්‍රධානත්වයෙන් මෙම රත්නපුර දිස්ත්‍රික් කොරෝනා වෛරස් මර්දන කාර්ය  සාධක බලකා කමිටුව රත්නපුර දිස්ත්‍රික් ලේකම් කාර්යාල රැස්වීම් ශාලාවේ දී  රැස්විය.
 
රත්නපුර දිස්ත්‍රික්කයේ පොලිස්,  ආරක්‍ෂක,  රාජ්‍ය,  පළාත් රාජ්‍ය, සංස්ථා, දෙපාර්තමේන්තු, ස්වේච්ඡා සංවිධාන ප්‍රධානීන්ගෙන් මෙම කමිටුව සමන්විතය.
 
ඒ අනුව නැවත දැනුම් දෙනතුරු රත්නපුර දිස්ත්‍රික්කයේ උපකාරක පන්ති නොපැවැත්වීමට කමිටුව තීරණය කරනු ලැබීය. එසේම පහ ශ්‍රේණියේ ශිෂ්‍යත්ව විභාගය සහ උසස් පෙළ විභාගය පැවැත්වීමට නියමිත විභාග මධ්‍යස්ථාන සියල්ලම විෂබීජානුහරණය කිරිමට ද තීරණය විය.
 
එසේම පෞද්ගලික වෛද්‍ය චැනල් සේවාවන්, වෛද්‍යවරුන් විසින් පවත්වාගෙන යන පුද්ගලික වෛද්‍ය මධ්‍යස්ථාන, දන්ත, අක්‍ෂි ආදී සියලු පෞද්ගලික සෞඛ්‍ය සේවාවන්  කොරෝනා වෛරසය මර්දනය කිරිම සදහා දී ඇති උපදෙස් අනුවම පැවැත්වීමට ද තීරණය කරනු ලැබීය.
 
මිනුවන්ගොඩ ඇඟලුම් කර්මාන්තශාලාවේ සේවය කළ කිහිප දෙනෙක් සහ ඔවුන්ගේ සමීපතමයින් කිහිපදෙනෙක් කිරිඇල්ල, උඩවළව, ඉඹුල්පේ සහ නිවිතිගල ප්‍රදේශවලට පැමිණ ඇති බැවින් එම ප්‍රදේශවල ජනතාව වඩාත් අවධානයෙන් සිටින්නැයි රත්නපුර දිස්ත්‍රික් ලේකම් මාලනී ලොකුපෝතාගම මහත්මිය ඉල්ලා සිටියාය.
 
රත්නපුර දිස්ත්‍රික්කයට ඇඳිරි නීතිය පනවා නොතිබුණද සංචරණ කටයුතු හැකි තරමක් සීමාකරන්නැයි ද දිස්ත්‍රික් ලේකම්වරිය මහජනතාවගෙන් ඉල්ලිමක් කළාය.
 
මේ වනවිට රත්නපුර දිස්ත්‍රික්කයට අයත් නිවිතිගල, කලවාන, රත්නපුර, ගොඩකවෙල, ඉඹුල්පේ සහ අයගම යන සෞඛ්‍ය වෛද්‍ය නිලධාරී කොට්ඨාසවල පදිංචිකරුවන් 55ක් ස්වයං නිරෝධායනයට ලක් කර ඇති බවද මෙම රත්නපුර දිස්ත්‍රික් කොරෝනා වෛරස් මර්දන කාර්යය සාධක බලකා කමිටු රැස්වීමේ දී අනාවරණය විය.
 
රත්නපුර සහ කෑගල්ල දිස්ත්‍රික් දෙකේම පීසීආර් පරීක්‍ෂණ ප්‍රාදේශීය මට්ටමින් සිදුකරමින් පවතින බව සබරගමු පළාත් සෞඛ්‍යසේවා අධ්‍යක්‍ෂ වෛද්‍ය කපිල කන්නන්ගර මහතා මෙහිදී පැවසුවේය. මෙතෙක් කළ පීසීආර් පරීක්‍ෂණ අනුව කිසිදු  ආසාදිතයෙකු රත්නපුර හෝ කෑගල්ල දිස්ත්‍රික්කයෙන් වාර්තා වී නැති බවත් වෛද්‍ය කපිල කන්නන්ගර මහතා අවධාරණය කළේය.
 
දැනට රත්නපුර ශික්‍ෂණ මහ රෝහලේ දිනකට පීසීආර් පරීක්‍ෂණ 96ක් සිදුකළ හැකිබව පැවසූ රෝහල් අධ්‍යක්‍ෂ වෛද්‍ය අනුජ් රොඞ්රිගු මහතා එය අවශ්‍යනම් 192ක් දක්වා ඉහළ දැමිය හැකි බවද සඳහන් කළේය.
 
සැකසහිත රෝග ලක්‍ෂණ පෙන්නුම්කරන පුද්ගලයන් ප්‍රතිකාර සඳහා රත්නපුර ශීක්‍ෂණ මහ රෝහලට පැමිණියහොත් ඔවුන් පීසීආර් පරීක්‍ෂණයට යොමුකර එම පරීක්‍ෂණ වාර්තා පැමිණෙන තුරු එම පුද්ගලයන් සෙසු රෝගීන්ගෙන් වෙන් කර තැබීමට රෝහල තුළ විශේෂ ඒකකයක් ස්ථාපිත කරන බව ද රෝහල් අධ්‍යක්‍ෂවරයා මෙහිදි දැනුම් දුන්නේය.
 
 



අදහස් (0)

රත්නපුර දිස්ත්‍රික්කයේ උපකාරක පන්ති තාවකාලිකව නවත්වයි

ඔබේ අදහස් එවන්න

 

 
 

වැඩි දෙනා කියවූ පුවත්


මහින්ද ආපහු කොළඹ පදිංචියට
2025 සැප්තැම්බර් මස 14 28530 30


’’අනුර ගෝ ගම පටන් ගත්තා’’
2025 අගෝස්තු මස 26 18199 35

රන්ජන් පීල්ල මාරු කරයි
2025 සැප්තැම්බර් මස 14 11017 7

මේවාටත් කැමතිවනු ඇති

ගෝලීය නොබෙල් සාම සමුළුවේ ප්‍රධාන ආරාධිත අමුත්තා ලෙස මහාචාර්ය මොහාන් මුණසිංහ මහතාට ගෞරවය හිමිවේ 2025 සැප්තැම්බර් මස 11 683 0
ගෝලීය නොබෙල් සාම සමුළුවේ ප්‍රධාන ආරාධිත අමුත්තා ලෙස මහාචාර්ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ සම-ජයග්‍රාහකයා (උප සභාපති, IPCC-AR4) සහ 2021 නිල් ග්‍රහලෝක ත්‍යාගය(Blue Planet Prize) ලැබූ මහාචාර්ය මොහාන් මුණසිංහ මහතා

සියපත ෆිනෑන්ස් 57 වැනි ශාඛාව තඹුත්තේගම නගරයේදී දැන් විවෘතයි 2025 සැප්තැම්බර් මස 11 203 0
සියපත ෆිනෑන්ස් 57 වැනි ශාඛාව තඹුත්තේගම නගරයේදී දැන් විවෘතයි

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 57 වැනි ශාඛාව පසුගියදා තඹුත්තේගම නගරයේදී විවෘත කෙරිණ. සියපත ෆි

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 858 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

Our Group Site