(    මොහොමඩ්  ආසික්)

මහනුවර දිස්ත්‍රික්කය  තුලින්  අද( 07  ) පෙරවරුව  දක්වා වූ පැය 24 ක කාලය තුල  නව කොවිඩ් 19 රෛවස  ආසාදිතයින්  132    දෙනෙකු වාර්තා වී ඇති බවත් ඒ අනුව මේ දක්වා දිස්ත්‍රික්කයෙන්   වාර්තා වී ඇති කොවිඩ් 19 වෛරසය ආසාදිතයින් ගණන 11062  ක් දක්වා ඉහළ ගොස් ඇති බවත්  මහනුවර දිස්ත්‍රික් සෞඛ්‍ය සේවා දෙපාර්තමේන්තුව පවසයි.

මහනුවර දිස්ත්‍රික්කයට අයත්  සෞඛ්‍ය වෛද්‍ය නිළධාරි කොට්ඨාස 16 කින්  මෙම  නව  ආසාදිතයින් 132   දෙනා වාර්තා වී  තිබේ.

උඩනුවරින් එක් අයෙකු, උඩදුම්බරින් පස් දෙනෙකු,  පාතදුම්බරින් පස් දෙනෙකු,  පස්බාගේ කෝරළයෙන්  හය දෙනෙකු,  මැණික්හින්නෙන් 38 දෙනෙකු,  මැදදුම්බරින්  සිව් දෙනෙකු,  මහනුවර මහ නගර සභා බල ප්‍ර දේශයෙන්  පස් දෙනෙකු,  කුණ්ඩසාලෙන්  16 දෙනෙකු,   මිනිපෙන් 24 දෙනෙකු.  හාරිස්පත්තුවෙන් දෙදෙනෙකු, ගඟවට කෝරළයෙන් දෙදෙනෙකු, ගඟඉහළ කෝරළයෙන් 15 දෙනෙකු ගම්පොළින් දෙදෙනෙකු,  ගලහින් දෙදෙ කු,  ගලගෙදරින් එක් අයෙකු,  දොළුවෙන් පස් දෙනෙකු වශයෙන් ගෙවුණු පැය 24 තුල රෝගින්  වාර්තා වී ඇති බවත් සෞඛ්‍ය අංශ කියයි.

මහනුවර දිස්ත්‍රික්කයෙන් වැඩිම ආසාදිතයින් ප්‍රමාණයක් වාර්තා වී ඇත්තේ මහ නගර සභා බල ප්‍ර දේශයෙන් වන අතර එය 1202 ක් වෙයි.

මේ අතර මහනුවර දිස්ත්‍රික්කයෙන් මේ දක්වා කොවිඩ් මරණ 235 ක්ද වාර්තා වී ඇති බවද සෞඛ්‍ය අංශ කියයි.