(සුමතිපාල දීයගහගේ  )

අහංගම නගරයේ ඉදි වෙමින් පවතින දෙමහල්ගො ඩනැගිල්ලක් තුළදී පුද්ගලයෙකුට පහරදී ඝාතනය කිරිමේ සිද්ධිය සම්බන්ධයෙන් එම වැඩ බිමේ සේවකයින්දෙදෙනෙකු අද  (20) අත්අඩංගුවට ගත් බව අහංගම පොලිසිය පවසයි.

මෙසේ ඝාතනයට ලක්ව ඇත්තේ කුන්ඩසාලේ පදිංචිකරුවෙකුවු පෙදරේරු රැකියාවේ නිරතව සිටි ආසිර්වාදන් සුසරාජ් (38) නැමැති තිදරු පියෙකි.

මේ මරණය පිළිබද මුලික මහේස්ත්‍රාත් පරික්ෂණය පැවැත්වු ගාල්ල වැඩබලන මහේස්ත්‍රාත් ලලිත් පතිරණ මහතා පශ්චාත් මරණ පරික්ෂණයක් පැවැත්විමට කටයුතු කරන ලෙස පොලිසියට උපදෙස් දුන්නේය.

පසුගිය 17 වන දින මොහු අසනීපවි වැඩබිම තුල වැටි සිටින බවට එහි සේවකයින් අහංගම පොලිසියට පැමිණිලිකර ඇත ඒ අනුව පැමිණි 1990 ගිලන් රථ

සේවය රෝගියා පරික්ෂා කර බලා මොහු මිය ගොස් ඇති බව පොලිසියට දැනුම්දි තිබේ.

සිද්ධියවු දින එකම වැඩබිමේ සේවය කරන සැකකරුවන් සහ මියගිය පුද්ගලයා සමඟ රාත්‍රී සාදයක් පවත්වා  ඇති අතර ඊටපසුව ඇතිවු ආරවුලකදි මොහුට අතින් පහරදි බරපතල තුවාල සිදු කොට ඇති බව මුලික පොලිස් පරික්ෂණවලදි හෙලිවි තිබේ .

මෙම මරණය සම්බන්ධයෙන් කුන්ඩසාලය සහ අහංගම යන ප්‍රදේශවල පදිංචිකරුවන් දෙදෙනෙක් සැකපිට අත්අඩංගුවට ගෙන ඇත.