( රංජිත් රාජපක්ෂ )                      

හැටන් - නුවරඑළිය ප්‍රධාන මාර්ගයේ කුඩාගම පිහිටි ලී වෙළදසැළකට පිරිසක් විසින් ගිනි තැබුවේ යැයි කියන  සිද්ධියක් සම්බන්ධයෙන් හැටන් පොලිසිය පුළුල් පරීක්ෂණයක් ආරම්භ කර ඇත.
 
අද (15) අලුයම 1 ට පමණ එම වෙළදසැලට ඇතුළු වු කිසියම් පිරිසක් විසින් එම ලි වෙලදසැලේ ගබඩා කර තිබු දැව වලට ගිනි තබා තවත් දැව තොගයකට භුමිතෙල් ඉස ඇති බව පොලීසිය සඳහන් කළේය.
 
එම ලී වෙළදසැලේ කාර්යාලයේ සවි කර තිබු ආරක්ෂිත කැමරා පද්ධතියටද හානි කර ආරක්ෂිත කැමරා පද්ධතියේ දත්ත සටහන් පද්ධතියද  රැගෙන ගොස් ඇත.
 
පැතිර යමින් පැවති ගින්න හැටන් පොලිසියේ නිලධාරින් සහ ප්‍රදේශවාසින් එක් ව පාලනය කිරිමට සමත් විය.
 
වෙළදසැලේ අයිතිකරු කියා සිටියේ  ගිනි ගැනීම නිසා  තමන්ට රුපියල් ලක්ෂ පහක පමණ අලාභයක් සිදු වි ඇති බවත්, මෙම ගිනිතැබිම කිසියම් පිරිසක් විසින් සිදු කරන්නට ඇති බව  තමන් සැකකරන බවයි.
 
ලී වෙළදසැලේ කාර්යයාලයේ තිබු මුදල් ද සොරාගෙන ඇති බවත්, අයිතිකරු පැවසීය. ගින්න පිළිබදව හැටන් පොලිසිය පුළුල් විමර්ශනයක් ආරම්භ කර ඇත.