(මහේෂ් කිර්තිරත්න)

මාතලේ තොටගමුව ප්‍රදේශයේ ගණිකා නිවාසයක් පවත්වාගෙන ගිය බව කියන නිවාඩු නිකේතනයක් වටලා කාන්තාවන් දෙදෙනෙකු සහ එහි  කළමණාකරු සහ තවත් අයෙකු අත්අඩංගුවට ගත් බව මාතලේ කොට්ඨාශ අපරාධ විමර්ශන කාර්යංශය කියයි.

මාතලේ කොට්ඨාශ අපරාධ විමර්ශන කාර්යංශයේ ස්ථානාධිපති ප්‍රධාන පොලිස් පරික්ෂක සුගත් බණ්ඩාර මහතාට ලැබුණු තොරතුරක් මත සිදු කළ විමර්ශනයකින් අනතුරුව සැකකාරියන් සහ සැකකරුවන් මෙසේ අත්අඩංගුවට ගත් බව පොලිසිය කියයි.

සැකකාරියන් වාරියපොල සහ හික්කඩුව ප්‍රදේශයේ පදිංචි අයවලුන් වන බවත් කළමණාකරු ලෙස කටයුතු කළ අය අංගොඩ ප්‍රදේශයේ පදිංචි අයෙකු බවද පොලිසිය කියයි.

මිට පෙර ද කළමණාකරු ලෙස කටයුතු කළ සැකකරු  මිට පෙරද මෙම චෝදනාවට අත්අඩංගුවට පත් වුණු අයෙකු බවද පොලිසිය කියයි.

මෙම නිවාඩු නිකේතනය මාතලේ ප්‍රදේශයේ අයකුගෙන්  කුලියට ගෙන පවත්වාගෙන ගොස් ඇති බවද ‍පොලිසිය කියයි.

මාතලේ කොට්ඨාශය භාර ජ්‍යෙෂ්ඨ පොලිස් අධීකාරි අනුරුද්ධ බණ්ඩාරනායක මහතාගේ උපදෙස් පරිදි මාතලේ කොට්ඨාශය භාර ජ්‍යෙෂ්ඨ පොලිස් අධිකාරි අජිත් වංශනාථ මහතාගේ මෙහෙයවිම මත මාතලේ කොට්ඨාශ අපරාධ විමර්ශන කාර්යංශයේ ස්ථානාධිපති ප්‍රධාන පොලිස් පරික්ෂක සුගත් බණ්ඩාර මහතාගේ අධික්ෂණයනේ උ.‍පො.ප වනසිංහ,කා.උ.පො.ප ජිවන්ති පො.සැ 85524 ගුණතිලක,පො.සැ 27225 අත්තනායක,පො.කො 33852 ජගත්,පො.කො 83232 දිලිප යන නිලධාරින් මෙම වැටලිම සිදු කළහ.