2021 මැයි මස 06 වන බ්රහස්පතින්දා
කිලිනොච්චි කන්දසාමි කෝවිල අසළ විරෝධතාවයක්
සිතුම් චතුරංග
ත්‍රස්තවාදය වැළැක්වීමේ පනත යටතේ අත්අඩංගුවට ගෙන රඳවා සිටින සැකකරුවන් නිදහස් කරන ලෙස ඉල්ලා එම සැකකරුවන්ගේ ඥාතීහු අද (1) කිලිනොච්චිය කන්දසාමි කෝවිල ඉදිරිපිට ප්‍රධාන මාර්ගය අවහිර කර විරෝධතාවයක නිරතවූහ.
යාපනය ,නුවර ඒ නවය ප්‍රධාන මාර්ගය අවහිර කරමින් පැයකට ආසන්න කාලයක් විරෝධතාවයේ නිරතවූ අතර විරෝධතාවය හේතුවෙන් ප්‍රධාන මාර්ගයේ රථවාහන ධාවනයට බාධා එල්ලවිය.
විරෝධතාකරුවන් පැවසූයේ කිසිදු නඩු විභාගයක් නොමැතිව වසරකට අධික කාලයක් අත්අඩංගුවටගෙන රඳවා සිටින තම ඥාතීන් නිදහස් කරන ලෙසත් ඔවුන් රඳවා තබාගැනීම හේතුවෙන් එම සැකකරුවන්ගේ දරුදැරියන් හා පවුලේ පිරිස් ජීවත්වීමේ ගැටළුවට මුහුණපා ඇති බවයි.
මේ වන විට ත්‍රස්ත විමර්ශන අංශයේ අත්අඩංගුවේ සිටින පිරිස් වෙත කොවිඩ් - 19 වයිරසය ආසාදනය වී ඇති බවත් මේ වන විට ඔවුන්ගේ ජීවිත අනතුරටපත්ව ඇති බවද විරෝධතාකරුවන් පැවසීය.
ඒ නවය මාර්ගය අවහිර කිරීම හේතුවෙන් පැවති රථවාහන තදබදයත් සමඟ එම ස්ථානය වෙත පැමිණි පොලිස් නිලධාරීන් පිරිස ඉවත් කිරීමත් සමඟ දෙපාර්ශවය අතර උණුසුම් තත්වයක් හටගැණින.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
