නියගය පවතින අවස්ථාවක කැලෑත් ගිනි තියන පිරිස් වගේම  සමහර දේශපාලඥයන් උතුර දකුණ කියා රටත් ගිනි තබන බවත් ජනතාව නියගයෙන් අපහසුවට පත්වි සිටින මෙවැනි අවස්ථාවක විදේශ උපකාර අවශ්‍ය බවත් තිබ්බටුවාවේ ශ්‍රි  සිද්ධාර්ථ සුමංගල මල්වතු පාර්ශවයේ මහනායක හිමියෝ වරාය හා නාවික අමාත්‍ය අර්ජුන රණතුංග මහතා හමුවේ පැවසූහ.

දළඳා වහන්සේ වැඳපුදා ආශිර්වාද ලබාගෙන ගම්බද දරුවන්ගේ ක්‍රීඩා කුසලතා නැංවීමට ගෙන යන වැඩසටහන සම්බන්ධයෙන් මහානායක හිමිවරුන් දැනුවත් කිරිම සඳහා පැමිණි අවස්ථාවේ උන්වහන්සේ ඇමැතිවරයාට ඒ බව කීහ.

ඇමැතිවරයා ගම්බද දරුවන්ට අතහිත දීම සඳහා ගෙනයන වැඩපිළිවෙළ අගය කළ යුතු බවත් වරකාගොඩ ඥානරතන අස්ගිරි මහාවිහාර පාර්ශවයේ මහානායක හිමියෝ පැවැසූහ.