(උපේන්ද්‍ර ප්‍රියංකර ජාතුංගම)
 
කලවාන මූලික රෝහලේ වෛද්‍යවරු සහ කාර්ය මණ්ඩලය අද(17) කලවාන නගරයේදී නිහඬ විරෝධතාවක නිරත වූහ.
 
ඊයේ (16) රෝගියකු සමග රෝහලට පැමිණි පුද්ගලයකු බීමතින් එහි වෛද්‍යවරුන්ට සහ කාර්ය මණ්ඩලයට බැණ වදිමින් පහරදීමට තැතැකිරීම සම්බන්ධයෙන් ඔවුහු මෙම විරෝධය පළ කළහ.
 
මෙම පුද්ගලයා අවස්ථා කිහිපයකම රෝහලට පැමිණ බැණ වැදුණු බවද, ඔහු සම්බන්ධයෙන් නීතිමය පියවරක් නොගතහොත් ඉදිරියේදී වැඩ වර්ජනයක නිරත වන බවද ඔවුහු පැවසූහ.
 
සිද්ධියට අදාළ පුද්ගලයා මේ වනවිට අත්අඩංගුවට ගෙන ඇති අතර ඔහු අධිකරණයට ඉදිරිපත් කිරීමට පියවර ගන්නා බව මේ සම්බන්ධයෙන් අදහස් දක්වමින් කලවාන පොලිසිය පැවසීය.