(ඉන්දිකා රාමනායක)

විදේශ රටක නිෂ්පාදිත බලපත්‍ර නොමැති බෝර 12 ගිනි දෙකක් ළඟ තබාගෙන සිටි කාන්තාවක් විශේෂ කාර්ය බළකාය විසින් අත්අඩංගුවට ගනු ලැබුවාය. 

කිරුළපන පූර්වාරාම පාර තෙමහල් ගොඩනැගිල්ලක නීතියානුකූල ලෙස ගිනි අවි සහ පතුරම් පිටස්තර පුද්ගලයන්ට අලෙවි කරන බවට ලැබුනු තොරතුරකට අනුව විශේෂ කාර්ය බළකාය ඊයේ මෙම දෙමහල් ගොඩනැගිල්ල පරීක්ෂාවට ලක් කර ඇත.

එහිදී එහි ඉහළ මහලේ  සඟවා තිබූ මෙම ගිනි අවි දෙක අත්අඩංගුවට ගත් බව විශේෂ කාර්ය බළකාය.

සැකකාරිය මෙම ගොඩනැගිල්ලේ හිමිකාරිය බවත් ඇය (52);හැවිරිදි කාන්තාවක් බවත් විශේෂ කාර්ය බළකාය පවසයි.

අත්අඩංගුවට ගත් සැකකාරිය සහ ගිනි අවි දෙක වැඩිදුර පරීක්ෂණ සඳහා කිරුළපන පොලිසියට භාර දී ඇත .