( එච් . චන්දන )
 
වනාතවිල්ළුව-එළුවන්කුලම  කුරටියාමොහොට්ටේ ප්‍රදේශයේ  සිමෙන්ති  සංස්ථාවට අයත් ඉඩමක්  එළිකර  සම්බන්ධව මේ වන විට තවත් පුද්ගලයින් තිදෙනකු  අත් අඩංගුවට  ගත් බව වනාතවිල්ළුව පොලීසිය කියයි.
 
සිමෙන්ති සංස්ථාවේ  සභාපති නිතිඥ ගාමිණි  ඒකනායක මහතා කළ පැමිණිල්ලකට අනුව මෙම ඉඩමට අයුතු ඇතුල්වීම හා අනන්තයක් සිදු කිරීම වෙනුවෙන් පළමුව පුද්ගලයින් 05දෙනෙක්ද පසුව එක අයකුද  අද( 09)  පුද්ගලයින් 03දෙනකුද මෙලෙස අත් අඩංගුවට ගත් බවත් සිදු කරන විමර්ශණවලදී ඉදිරියේදී තවත් පුද්ගලයින් අත් අඩංගුවට ගන්නා බවයි වනාතවිල්ළුව පොලිස් ස්ථානාධිපති  ප්‍රධාන පොලිස් පරීක්ෂක  එල්.පි.එන් පතිරත්න මහතා සදහන් කළේය.
 
මේ සමබන්ධව මුලින්ම  අත් අඩංගුවට ගත් 05 දෙනා ලබන 15 දක්වා රක්ෂිත බන්ධනාගාර ගතකර ඇති අතර  අනෙක් තිදෙනා පුත්තලම අධිකරණයට  අද( 09)  ඉදිරිපත් කිරීමට නියමිතයි.
 
අක්කර 100 ආසන්න ප්‍රමාණයක් දැනට මාස ගණනාවක සිට මෙලෙස විශාල ගස් ගිනි තබා සම්පුර්ණයෙන්ම සුද්ද කර තිබේ.  මෙම  ඉඩම තුල තිබූ වසර ගණනාවක් පැරණි පළු , බුරුත, වීර වැනි වටිනා ගස් රැසක් දැනට විනාශකර දමා මෙම භූමිය සකසා ඇති බව දක්නට ලැබෙන අතර මෙ සාමාන්‍ය හේන් ගොවි තැනට සුදුසු පරිසරක් දැන් සකසා ඇති බව දක්නට ලැබේ.